default_image

4 months ago

February 12, 2024

मध्यपुर थिमि वडा लिग सुरु

294 views

0 Bookmark

भक्तपुर (हाम्रो खेलकुद) – मध्यपुर थिमि नगरपालिका वडा लिग फुटबल प्रतियोगिताको दोस्रो संस्करणमा साविक विजेता वडा नं. ९ ले विजयी सुरुवात गरेको छ ।

मध्यपुर थिमि नगरपालिकाको प्रायोजन र मध्यपुर युथ एसोसियसनको आयोजनामा सोमबार लिगमा वडा नं. ९ ले वडा नं. ४ लाई १–० ले पराजित गरयो ।

विज्ञान राजबहाकले खेल सकिन दुई मिनेट बाँकी रहँदा गरेको गोल नै खेलको निर्णय बनेको थियो । विपक्षी खेलाडीको गल्तीको फाइदा उठाउँदै सगुन राजबहाकले दिएको पासमा विज्ञानले गोल गरेका थिए । विज्ञान खेलको म्यान अफ दि म्याच घोषित भए ।

त्यसअघि खेलको भक्तपुर क्षेत्र नं. २ का प्रतिनिधि सभा सदस्य सांसद दुर्लभ थापाले प्रतियोगिताको उद्घाटन गरे । उनले मध्यपुर थिमि वडा लिगबाट उत्कृष्ट खेलाडी उत्पादन हुने र राष्ट्रिय तथा अन्तराष्ट्रियरुपमा ख्याती प्राप्त गर्ने विश्वास व्यक्त गरे ।

मध्यपुर थिमि नगरपालिकाका प्रमुख सुरेन्द्र श्रेष्ठले सानोथिमिस्थित मैदानलाई नगरपालिकाको रंगशालाकोरुपमा विकास गर्ने र अर्को वर्षसम्म दर्शकको सुविधाको लागि प्याराफिट निर्माण गर्ने योजना रहेको बताए ।

उपप्रमुख विजयकृष्ण श्रेष्ठले मध्यपुर थिमि विगतमा पनि विभिन्न खेलको राष्ट्रिय खेलाडी उत्पादन गरेको नगर भएको चर्चा गर्दै खेल क्षेत्रको विकासका लागि नगरपालिकाले ठूलो लगानी गरिरहेको बताए ।

मध्यपुर युथ एसोसियसनका अध्यक्ष एवम् राष्ट्रिय फुटबल टोलीका पूर्व कप्तान तथा गोलकिपर उपेन्द्रमान सिंहले वडा लिग मध्यपुर थिमिका स्थानीय खेलाडीलाई राष्ट्रियस्तरमा पुग्ने अवसरको रुपमा रहेको बताए ।

एसोसियसनका उपाध्यक्ष अष्ट कवेको सभापतित्वमा भएको उद्घाटन समारोहमा नेपाली कांग्रेसका केन्द्रीय सदस्य एवम् मध्यपुर थिमि नगरपालिकाका पुर्व नगरप्रमुख मदनकृष्ण श्रेष्ठ, नेकपा एमाले भक्तपुर जिल्ला अध्यक्ष वचन देउजा, मध्यपुर थिमि नगरपालिकाका पूर्व प्रमुख मदनसुन्दर श्रेष्ठलगायतले खेल मैदानलाई थप व्यस्थित गर्नुपर्नेमा जोड दिएका थिए ।

प्रतियोगितामा मध्यपुर थिमि नगरपालिकाका सबै ९ वडाको सहभागिता रहेको छ । सबैले एकअर्काको प्रतिस्पर्धा गर्ने लिगमा कुल ३६ खेल हुनेछन् । प्रतियोगिता फागुन २४ गतेसम्म सञ्चालन हुनेछ ।

June 13, 2024

यु-२० एशियन कप: नेपाल समूह ‘बी’ मा  

काठमाडौं (हाम्रो खेलकुद) – नेपाल एएफसी यू–२० एसियन कप २०२५ छनोटको समूह ‘बी’ मा परेको छ । एएफसीको मुख्यालय क्वालालम्पुरमा बुधबार भएको ड्र समारोहमा नेपाल समूह बी मा परेको हो । नेपालको समूहमा उज्वेकिस्तान, बहराइन, चाइनिज ताइपेई र कम्बोडिया रहेका छन् । नेपालको समूहका खेलहरू सेप्टेम्बरमा चाइनिज ताइपेईमा हुनेछन् । नेपाली टोलीले छनोट खेल्न अघि […]

June 13, 2024

नेपाल, जापान र कतार एउटै समूहमा

काठमाडौं (हाम्रो खेलकुद) – एएफसी यु-१७ एसियन कप छनोटमा नेपाल एसियाली महारथी जापान र कतारसँगै एकै समूहमा परेको छ । बिहीबार भएको ड्र पछि नेपाल छनोटको समुह एफ मा परेको हो । समूहमा नेपालसँगै जापान र कतार बाहेक मंगोलिया रहेको छ । यस समुहका सबै खेल कतारले आयोजना गर्नेछ । छनोटका खेल आउँदो अक्टोबर महिनामा […]

June 12, 2024

यु-२० साफ: उद्दघाटन खेलमा नेपालले श्रीलंकाविरुद्ध खेल्ने

काठमाडौं (हाम्रो खेलकुद) – नेपालमा आउँदो अगस्ट १६ देखि २८ सम्म हुने साफ यु-२० पुरुष च्याम्पियनसिपको उद्दघाटन खेलमा नेपालले श्रीलंकाविरुद्ध खेल्ने भएको छ । दक्षिण एसियाली फुटबल महासंघ (साफ) ले बुधवार सार्वजनिक गरेको तालिकामा नेपालले उद्दघाटन खेलमा श्रीलंका विरुद्ध खेल्ने भएको हो । समूह ए मा रहेको नेपालले दोस्रो खेल पाकिस्तान विरुद्ध अगस्ट १९ मा […]

Success

Thank you for your time.