हाम्रोखेलकुद (पोखरा)- पोखरास्थित रंगशालामा जारी १५औ आहा रारा गोल्ड कपको फाइनल खेलको पहिलो हाल्फ़ गोल रहित बराबरीमा सकिएको छ, दुवै टोलीले प्राप्त अवसरहरु सदुपयोग गर्न नसक्दा पहिलो हाल्फमा कुनैपनि गोल हुन सकेन।
खेलको पहिलो मिनेटबाटै लक्ष्मी हुन्डाई मनाङ मर्स्याङदि क्लब हाबी हुने अनुमान गरिएपनि घरेलु टोलि सहाराले कडा प्रतिस्पर्धा दिरहेको छ। सहाराले फाइनलका लागि भनेर हिमालयन शेर्पाका दुई खेलाडी मान बहादुर तामांग र हेमन गुरुङलाई हिजैमात्र समेटेको हो।
सहाराले पहिलो खेलबाहेक संघर्षपूर्ण जितका साथ फाइनलको यात्रा तय गरेको थियो । मनाङको पनि सेमिफाइनल कठिन रह्यो । त्यसैले दुवै फाइनलका लागि पनि पक्कै सचेत भएर खेलिरहेकाछन् । फाइनलको एक दिन अघि पोखरा रंगशालामा आयोजित पत्रकार सम्मेलनमा दुवै टोलीका प्रशिक्षक र कप्तानले उपाधि जित्ने विश्वास व्यक्त गरेका थिए ।
