बिर्तामोड (हाम्रोखेलकुद)– झापामा जारी दोश्रो रमपम झापा गोल्डकप दोश्रो खेलमा दुई ए डिभिजन टोलीबीच प्रतिस्पर्धा बिर्तामोड स्थित डोमालाल रङशालामा सुरु भएको छ । तीन बर्षपछि यो बर्ष ए डिभिजन लिगमा पुनरागमन जनाएको न्यूरोड टिम (एनआरटी) ले बिभागिय टोली नेपाल पुलिस क्लबको सामना गर्दैछ ।
पुलिस क्लबले पछिल्ला केही बर्षयता घरेलु प्रदर्शनमा उच्च प्रदर्शन गर्न सकेको छैन । पूर्वमा सातौं राष्ट्रिय खेलकुदमा कास्य पदक जितेको पुलिस त्यसपछि टुबोर्ग हेटौडा गोल्ड कप र पोखरामा आहा रारा गोल्डकप फुटबल प्रतियोगिताको पहिलो खेलबाटै बाहिरिएको थियो ।
