default_image

2 months ago

February 26, 2024

एन्फा साधारण सभाको उद्घाटन सत्र सुरु, असन्तुष्ट पक्ष हल‌ बाहिरै

काठमाडौं (हाम्रो खेलकुद) – अखिल नेपाल फुटबल संघ (एन्फा) को नियमित साधारण सभा सोमबार सुरु भएपनि वरिष्ठ उपाध्यक्ष वीरबहादुर खड्कासहित पदाधिकारी र केही सदस्यहरु सहभागी भएका छैनन् । उनीहरू सभा हल बाहिर रहेका छन्। साधारण सभाका लागि तय भएको विषय सुचीमा नै केन्द्रिय समितिका १० जनाले असहमति जनाउँदै आइतबार एन्फामा निवेदन दर्ता गराएका थिए । फागुन […]

239 views

0 Bookmark

काठमाडौं (हाम्रो खेलकुद) – अखिल नेपाल फुटबल संघ (एन्फा) को नियमित साधारण सभा सोमबार सुरु भएपनि वरिष्ठ उपाध्यक्ष वीरबहादुर खड्कासहित पदाधिकारी र केही सदस्यहरु सहभागी भएका छैनन् । उनीहरू सभा हल बाहिर रहेका छन्।

साधारण सभाका लागि तय भएको विषय सुचीमा नै केन्द्रिय समितिका १० जनाले असहमति जनाउँदै आइतबार एन्फामा निवेदन दर्ता गराएका थिए । फागुन ३ देखि ६ गते सम्म ४ दिन बसेर भएको निर्णय भन्दा बाहिर गएर साधारण सभा सभाको विषय सुची तयार भएको भन्दै वरिष्ठ उपाध्यक्ष वीरबहादुर खड्कालगायत १० जनाले असहमति जनाएका हुन् ।

साधारण सभामा सहभागिहरुको उपस्थिति हल बाहिर नै गराएकोमा पनि उनीहरूले आपत्ति जनाएका छन् । एन्फाका पूर्व अध्यक्ष कर्मा छिरिङ शेर्पाले महासचिव किरण राईलाई बाहिरै उपस्थितिमा दस्तखत गराएको आपत्ति जनाएका थिए।

एन्फामा निवेदन दर्ता गर्दा गर्दै १० जनाले एन्फा महासचिव किरण राईले आफूहरुको उपस्थितिको दुरुपयोग गरेको आरोप उनीहरुले लगाएका छन् । एन्फाको पछिल्लो बैठकले साधारण सभामा पेश गर्नका लागि ६ वटा एजेण्डामा मात्र निर्णय गरेको थियो ।

गत आर्थिक वर्षको लेखा परिक्षण प्रतिवेदन बैठकमा छलफल भएको तर सम्पूर्ण कैफियतको निराकरण नभएसम्म पास नगर्ने भनिएपनि प्रतिवेदनलाई जस्ताको त्यस्तै पेश गर्ने तयारी भएकोमा उनीहरुले आपत्ती गरेका छन् ।

उनीहरुले प्रतिवेदनलाई सोही रुपमा पेश गर्ने भए लेखा परिक्षकले प्रस्तुत गरेको म्यानेजमेन्ट लेटर साधारण सभाका सम्पूर्ण सदस्यलाई लेखा परिक्षण प्रतिवेदन संगै वितरण गरिनुपर्ने र लेखा परिक्षण प्रतिवेदनको सम्पूर्ण जिम्मेवारी अध्यक्ष, महासचिव र कोषाध्यक्षले लिनुपर्ने माग गरेका छन् ।

संघको आर्थिक नियमावली र आर्थिक कार्यविधि संशोधन प्रस्ताव कार्यसमिति बैठकमा आर्थिक समिति गठन पश्चात सो समितिले दिएको सुझावको आधारमा कार्यसमितिमा छलफल गर्ने सहमती बनेको उल्लेख गर्दै उनीहरुले कार्यसमितिबाट पारित नभएको बताएका छन् ।

कार्यसमितिका वरिष्ठ उपाध्यक्ष खड्कासहित उपाध्यक्षद्धय दीर्घ बहादुर केसी (कुमार), विराटजंग शाही र सदस्यहरु, पेमा डोल्मा लामा, रमेश ब्यञ्जनकार, अनिल मल्ल, भोजराज शाही, रविन्द्र चन्द, मनिष जोशी, रुपेश अधिकारीले आफूहरुको उपस्थिती दुरुपयोग भएको भन्दै साधारण सभा अगावै निर्णय पुस्तिका उपलब्ध गराउन माग गरेका छन् ।

लागु औषध खैरो हिरोइनको कारोबारमा अदालतबाट दोषी रहेको र सजाय भुक्तान नगरी फरार रहेको पाइएको भनिएका एन्फा उपाध्यक्ष दावा लामा उपस्थिति छैनन् । लामा वाहेक मन्चमा सबै पदाधिकारीको नाम प्लेट राखिएको छ।
राष्ट्रिय खेलकुद परिषद्का सदस्य सचिव टंकलाल घिसिङको मुख्य आतिथ्यतामा उद्घाटन सत्र सम्पन्न भएको छ।

April 23, 2024

महिला लिग छनोटमा लुम्बिनीको पहिलो जित

सुर्खेत (हाम्रो खेलकुद) – लुम्बिनी प्रदेशले महिला लिग छनोटमा पहिलो जित हासिल गरेको छ । उत्कृष्ट पूनरागमन गर्दै लुम्बिनीले मंगलबार बागमती प्रदेशलाई ३–१ को नतिजामा माथ दिएको हो । सर्खेतस्थित कर्णाली प्रदेश रंगशालामा भएको खेलमा पहिलो अग्रता बागमतीले बनायो। २४औं मिनेटमा सुमित्रा तामाङको गोलमा बागमती अगाडि लागेको थियो । तर यो अग्रता खेलको ४०औं मिनेटमा […]

April 23, 2024

आदर्श च्यालेन्ज कप – आदर्श र ध्रुवताराबीच उद्घाटन खेल हुने

हिमाल खरेल, मेचीनगरझापाको बुद्धशान्तिमा शनिबार सुरु हुने तेस्रो आदर्श च्यालेन्ज कप फुटबल प्रतियोगिताको खेल तालिका सार्वजनिक भएको छ । खेल मैदान बुद्ध आदर्श माविको सभाहलमा आज भएको पत्रकार सम्मेलनमा खेल तालिका सार्वजनिक भएको हो । खेल तालिकाअनुसार उद्घाटन खेलमा आयोजक आदर्श युवा क्लबले दमकको ध्रुवतारा स्पोर्टिङ क्लबको सामना गर्नेछ । त्यस्तै, दोस्रो खेल आइतबार बिर्तामोड […]

April 23, 2024

बेलिङहमले जिते ब्रेकथ्रु अवार्ड

एजेन्सी – इङ्ल्यान्ड तथा स्पेनिस क्लब रियल म्याड्रिडका युवा मिडफिल्डर जुड बेलिङहमले अवार्ड जितेका छन् । बेलिङहमले सन् २०२४ को लौरेस वल्ड स्पोर्ट्स ब्रेकथ्रु अफ द इयर अवार्ड जितेका हुन् । गत समरमा जर्मन क्लब बोरुसिया डर्टमुन्डबाट ८९ मिलियन पाउण्डमा रियल आएका २० वर्षीय बेलिङहम क्लबका लागि महत्वपूर्ण खेलाडी बनेका छन् । उनले आइतबार एल […]

Success

Thank you for your time.