default_image

2 months ago

February 27, 2024

आयोजक केपी एफसीलाई हराउँदै जावलाखेल सेमिफाइनलमा

काठमाडौं (हाम्रो खेलकुद) – आयोजक केपी एफसी माथि जित हात पार्दै जावलाखेल युथ क्लब जारी केपी ओली कपको सेमिफाइनलमा प्रवेश गरेको छ । सातदोबाटो स्थित एन्फा कम्प्लेक्समा भएको खेलमा जावलाखेलले केपी एफसीलाई २-१ ले पराजित गरेको हो । जावलाखेलका लागि निराजन धामी र निरज चौधरीले १-१ गोल गरेका हुन् । पहिलो खेलमा उत्कृष्ट प्रदर्शन गरेको […]

739 views

0 Bookmark

काठमाडौं (हाम्रो खेलकुद) – आयोजक केपी एफसी माथि जित हात पार्दै जावलाखेल युथ क्लब जारी केपी ओली कपको सेमिफाइनलमा प्रवेश गरेको छ । सातदोबाटो स्थित एन्फा कम्प्लेक्समा भएको खेलमा जावलाखेलले केपी एफसीलाई २-१ ले पराजित गरेको हो ।

जावलाखेलका लागि निराजन धामी र निरज चौधरीले १-१ गोल गरेका हुन् । पहिलो खेलमा उत्कृष्ट प्रदर्शन गरेको आयोजक टोलीले आज भने सो प्रदर्शन दोहोर्याउन सकेन । यसअघि केही मोफसल प्रतियोगिताहरू खेलेर आएको जावलाखेलले भने राम्रो प्रदर्शन गर्न सफल भयो ।

१२औं मिनेटमा आयोजकका रोहन कार्कीको प्रहार जावलाखेल गोलरक्षक युनेश चौधरीले सहजै समाते । १६औं मिनेटमा जावलाखेलका अनिल महर्जनको प्रहार यभ्स प्रिसोले पोस्टमाथि फालिदिए ।

३९औं मिनेटमा जावलाखेलले खेलमा अग्रता बनायो । आयोजकका डिफेन्डर कमल श्रेष्ठले ब्याकपास सिधै जावलाखेलका निराजन धामीलाई गएपछि उनले सहजै गोल गर्दै खेलमा अग्रता बनाएका थिए ।

दुई मिनेट पछि केपी एफसी बराबरी गर्नको निकै नजिक पुगेको थियो । कर्नर किकमा अडामा डोम्वियाको हेडर युनेशले उत्कृष्ट बचाउ गरेका विफल पारे । ४५औं मिनेटमा आयोजकका जय गुरुङको बक्स बाहिरबाट लिएको प्रहार क्रसबारमा लागेर बाहिरियो ।

५९औं मिनेटमा फोडे फोफानाको हेडर पोस्टतर्फ जान सकेन । ६८औं मिनेटमा निराजनको प्रहार अनन्त तामाङले उत्कृष्ट ब्लक गरे ।

८२औं मिनेटमा जावलाखेलले अग्रता दोब्बर बनायो । दोस्रो हाफमा मैदान प्रवेश गरेका निरज चौधरीले गोल गर्दै अग्रता दोब्बर बनाएका थिए ।

त्यसको दुई मिनेट पछि केपी एफसीले एक गोल फर्कायो । मिलान राईको कर्नरमा अनन्त तामाङको हेडर क्रसबारमा लागेर फर्किएपछि अडामा डोम्वियाके गोल गर्दै एक गोल फर्काएका थिए । तर अन्त्यसम्म केपी एफसीले पुनरागमन गर्न सकेन ।

जावलाखेलले अब सेमिफाइनलमा न्यू रोड टिम विरुद्ध खेल्नेछ । आज दिनको दोस्रो क्वाटरफाइनलमा साविक विजेता मछिन्द्र एफसीले नेपाल पुलिस क्लबको सामना गर्नेछ । पुलिसले पहिलो खेलमा त्रिभुवन आर्मी फुटबल क्लबलाई पेनाल्टी सुटआउटमा हराएको थियो । मछिन्द्रले आज प्रतियोगिताको पहिलो खेल खेल्दै छ ।

यो खेलको विजेताले फाइनल प्रवेशका लागि भारतीय क्लब मानेभञ्ज्याङ एफसी विरुद्ध खेल्ने छ । मानेभञ्ज्याङले अर्को भारतीय टोली दिल्ली एफसी विरुद्ध जित निकालेको थियो ।

प्रतियोगिताका सेमिफाइनल अगाडिका खेलहरु सातदोबाटो स्थित एन्फा कम्प्लेक्समा हुनेछन् । सेमिफाइनल र फाइनल दशरथ रंगशालामा हुनेछन् । फाइनल फागुन १९ गते हुनेछ ।

प्रतियोगिताको विजेताले ११ लाख रुपैयाँ र दोस्रो हुने टोलीले ५ लाख रुपैयाँ प्राप्त गर्नेछन् । प्रतियोगिता सर्वोत्कृष्ट खेलाडीले १ लाख, उत्कृष्ट गोलरक्षक, गोलकर्ता र उदीयमान खेलाडीले समान ५० हजार रुपैयाँ पाउनेछन् । गत वर्ष केपी ओली कपको पहिलो संस्करणको उपाधि मछिन्द्र क्लबले जितेको थियो ।

April 14, 2024

लेभरकुसनलाई पहिलोपटक बुन्डेसलिगा उपाधि

एजेन्सी – जाभी अलोन्सोको प्रशिक्षणमा रहेको बायर लेभरकुसनले क्लब इतिहासमा पहिलोपटक बुन्डेसलिगाको उपाधि जितेको छ । आईतबार वेर्डर ब्रेमन माथि ५-० को सहज जित संगै लेभरकुसनको पहिलो लिग उपाधि पक्का भएको हो । लेभरकुसनको जितमा फ्लोरियन विर्ट्जले ह्याट्रिक पूरा गरे भने भिक्टर बोनिफेशले र ग्रानिट झाकाले खेलमा एक-एक गोल गरे । ९०औं मिनेटमा विर्ट्जले गोल […]

April 14, 2024

उपाधि आकांक्षी लिभरपुल स्तब्ध

एजेन्सी – प्रशिक्षक योर्गन क्लपको अन्तिम सिजनको सुखद अन्त्य गर्ने आशामा रहेको लिभरपुलको उपाधि आकांक्षामा धक्का लागेको छ । पछिल्लो हप्ता म्यानचेस्टर युनाइटेड विरुद्ध बराबरी खेलेको लिभरपुल आज भने क्रिस्टल प्यालेस विरुद्ध पराजित भएको हो । क्रिस्टल प्यालेसले लिभरपुलकै घरेलु मैदानमा १-० को जित हासिल गरेको हो । प्यालेसको जितमा एबेरिचे एजेले खेलको १४औं मिनेटमा […]

April 14, 2024

मनोहरा र झम्सिखेलको जित

काठमाडौं (हाम्रो खेलकुद) – सहिद स्मारक ‘सि’ डिभिजन लिगमा आईतवार भएका खेलमा मनोहरा युथ क्लब र झम्सिखेल युथ क्लब विजयी भएका छन् । दिनको पहिलो खेलमा मनोहराले स्पोर्ट्स एकेडेमी साँगा माथि ३-२ को जित हासिल गरेको हो । मनोहराको जितमा उत्तम शाही, विशान्त मगर र आविष्कार खड्काले समान १-१ गोल गरे । साँगाका लागि स्यामुएल […]

Success

Thank you for your time.