default_image

2 months ago

February 29, 2024

आर्मी पाँचथर गोल्डकपको फाइनलमा

दिपक बोहोरा, पाँचथर त्रिभुवन आर्मी फुटबल क्लब चौथो पाँचथर गोल्डकप फुटबल प्रतियोगिताको फाइनलमा प्रवेश गरेको छ । फिदिम माविको मैदानमा बिहीबार दोस्रो सेमिफाइनलमा झापा ११ फुटबल क्लबलाई पेनाल्टी सुटआउटमा ३–० ले हराउँदै आर्मी अन्तिम दुईमा पुगेको हो । आर्मीले शनिबार उपाधिको लागि आयोजक पाँचथर क्लबको सामना गर्नेछ । निर्धारित समय १–१गोलको बराबरी टुंगिएपछि खेल टाइब्रेकरमा […]

724 views

0 Bookmark

दिपक बोहोरा, पाँचथर

त्रिभुवन आर्मी फुटबल क्लब चौथो पाँचथर गोल्डकप फुटबल प्रतियोगिताको फाइनलमा प्रवेश गरेको छ । फिदिम माविको मैदानमा बिहीबार दोस्रो सेमिफाइनलमा झापा ११ फुटबल क्लबलाई पेनाल्टी सुटआउटमा ३–० ले हराउँदै आर्मी अन्तिम दुईमा पुगेको हो ।

आर्मीले शनिबार उपाधिको लागि आयोजक पाँचथर क्लबको सामना गर्नेछ । निर्धारित समय १–१गोलको बराबरी टुंगिएपछि खेल टाइब्रेकरमा पुगेको थियो । पेनाल्टी सुटआउटमा आर्मीका सन्तोष केसी, दिपकुमार लामा र मनबहादुर आले मगरले गोल गरेका थिए ।

झापाको लागि कुनै खेलाडीले गोल गर्न सकेनन् । झापाका कप्तान पेमा तामाङ र विशाल तामाङको बारमा लागेको थियो । रजिन माझीको प्रहार आर्मीका गोलकिपर नविन परियारले रोकेका थिए ।

प्रतिस्पर्धात्मक खेलको ४३ औंं मिनेटमा दिपकुमार लामाले गोल गर्दै आर्मीलाई अग्रता दिलाएका थिए । ५९ औ मिनेटमा प्रदीप बुढाथोकीको पेनाल्टीमा गोल गर्दै झापा खेलमा फर्किएको थियो । झापाका हरिबहादुर आले मगरलाई आर्मीका डिफेन्डरले डि एरियामा फाउल गरे पछि झापाले पेनाल्टी पाएको थियो ।

पहिलो हाफमा निकै राम्रो प्रर्दशन गरेको आर्मी दोश्रो हाफमा झापाको दबाबमा परेको थियो । दोश्रो हाफमा निरन्तर आक्रमण गरे पनि झापा टाइब्रेकरमा अभागी बनेको थियो । आर्मीका दिपकुमार लामा म्यान अफ द म्याच घोषित भए र उनले ५ हजार रुपैयाँ प्राप्त गरे ।

निश्चल बाँस्कोटा खेलको फ्यान अफ दि म्याच चुनिए र उनले २ हजार ५ सय रुपैयाँ प्राप्त गरे । प्रतियोगिताको विजेताले ट्रफीसहित ५ लाख ५ हजार, दोस्रोले दुई लाख ५५ हजार रुपैयाँ प्राप्त गर्नेछन् ।

April 15, 2024

लिभरपुलपछि आर्सनल पनि पराजित

एजेन्सी – लिभरपुलको हारपछि इंग्लिस प्रिमियर लिग शीर्षस्थानमा उक्लने मौकालाई आर्सनलले गुमाएको छ । आर्सनल आइतबार एस्टन भिल्लासँग २–० ले पराजित भएको छ । उपाधि होडमा रहेका दुई टोली लिभरपुल र आर्सनल पराजित भएपछि त्यसको फाइदा म्यानचेस्टर सिटीलाई पुगेको छ । खेलको अन्त्यतिर एस्टन भिल्लाले २ गोल गर्दै आर्सनलमाथि सानदार जित निकालेको हो । लियोन […]

April 14, 2024

लेभरकुसनलाई पहिलोपटक बुन्डेसलिगा उपाधि

एजेन्सी – जाभी अलोन्सोको प्रशिक्षणमा रहेको बायर लेभरकुसनले क्लब इतिहासमा पहिलोपटक बुन्डेसलिगाको उपाधि जितेको छ । आईतबार वेर्डर ब्रेमन माथि ५-० को सहज जित संगै लेभरकुसनको पहिलो लिग उपाधि पक्का भएको हो । लेभरकुसनको जितमा फ्लोरियन विर्ट्जले ह्याट्रिक पूरा गरे भने भिक्टर बोनिफेशले र ग्रानिट झाकाले खेलमा एक-एक गोल गरे । ९०औं मिनेटमा विर्ट्जले गोल […]

April 14, 2024

उपाधि आकांक्षी लिभरपुल स्तब्ध

एजेन्सी – प्रशिक्षक योर्गन क्लपको अन्तिम सिजनको सुखद अन्त्य गर्ने आशामा रहेको लिभरपुलको उपाधि आकांक्षामा धक्का लागेको छ । पछिल्लो हप्ता म्यानचेस्टर युनाइटेड विरुद्ध बराबरी खेलेको लिभरपुल आज भने क्रिस्टल प्यालेस विरुद्ध पराजित भएको हो । क्रिस्टल प्यालेसले लिभरपुलकै घरेलु मैदानमा १-० को जित हासिल गरेको हो । प्यालेसको जितमा एबेरिचे एजेले खेलको १४औं मिनेटमा […]

Success

Thank you for your time.