default_image

2 months ago

March 2, 2024

यु-१६ महिला साफ: नेपाल बंगलादेशविरुद्ध भिड्दै 

काठमाडौँ (हाम्रो खेलकुद) – हिजो देखि सातदोबाटो स्थित एन्फा कम्प्लेक्समा सुरु भएको साफ यु-१६ महिला च्याम्पियनसिपमा आज नेपाल पहिलो खेल खेल्दै छ । नेपालले आज बंगलादेश विरुद्ध दिनको ३ बजे खेल्ने छ । घरेलु मैदानमा भइरहेको यस प्रतियोगितामा नेपाललाई राम्रो प्रदर्शन गर्ने दवाब समेत रहेको छ । गत वर्ष यु-१५ महिला साफ जितेको नेपाललाई यसपटक […]

1463 views

0 Bookmark

काठमाडौँ (हाम्रो खेलकुद) – हिजो देखि सातदोबाटो स्थित एन्फा कम्प्लेक्समा सुरु भएको साफ यु-१६ महिला च्याम्पियनसिपमा आज नेपाल पहिलो खेल खेल्दै छ । नेपालले आज बंगलादेश विरुद्ध दिनको ३ बजे खेल्ने छ ।

घरेलु मैदानमा भइरहेको यस प्रतियोगितामा नेपाललाई राम्रो प्रदर्शन गर्ने दवाब समेत रहेको छ । गत वर्ष यु-१५ महिला साफ जितेको नेपाललाई यसपटक पनि दावेदारको रुपमा हेरिएको छ । तर भारत र बंगलादेश सहज प्रतिद्वन्दी भने रहने छैनन् । भारतले हिजो उद्घाटन खेलमा भुटान विरुद्ध ७-० को जित निकालिसकेको छ । बंगलादेश पनि उमेर समुहमा सधै राम्रो प्रदर्शन गर्दै आइरहेको छ ।

नेपालका मुख्य प्रशिक्षक चक्र तामाङले प्रतियोगिताभन्दा अघिको पत्रकार सम्मेलनमा बोल्दै घरेलु मैदानमा आफुलाई फाइदा रहने बताए । करिब १ महिना देखि नेपाली टोलीले तयारि गरिरहेको एन्फा कम्प्लेक्समा नै प्रतियोगिता आयोजना भएको हुनाले नेपाली टोलीलाई आफु टोलीभन्दा बढी सजिलो हुने उनले बताए । 

“हामी हाम्रो घरेलु मैदानमा खेलिरहेका छौं र हामीले अन्य टोलीको तुलनामा एउटै मैदानमा बढी प्रशिक्षण गरिरहेका छौं”, तामाङले भने । “टिम निकै खुसी छ । साथै सिनियर टोलीको प्रदर्शनले सकारात्मक भाइब्स दिएको छ ।”

उता उपाधि दावेदार मानिएको बंगलादेशका प्रशिक्षक शरिफुल टिटुले भने एन्फा कम्प्लेक्सको कृत्रिम मैदानमा खेल्नु आफ्नो लागि गाह्रो नहुने बताए । “हामी धेरैजसो समय कृत्रिम मैदानमा प्रशिक्षण गर्छौं । हामीले यस प्रतियोगिताको लागि घाँस पिचहरू प्रयोग गरेका थियौं तर टिमको लागि यो ठूलो समस्या भने होइन”, उनले भने ।

यसका साथै यस युवा टोलीमा उपाधि जित्ने दवाब राखेमा चाहेजस्तो प्रदर्शन वा खेलाडी विकास हुन नसक्ने समेत उनले भने । “सिनियर टोली साफ च्याम्पियन हो । तर यो युवा टोलीलाई उपाधि जिताउन दबाब दियौं भने पूर्ण क्षमताको विकास हुँदैन । त्यसैले हामी दबाब दिन चाहँदैनौं”, उनले थपे । 

राउन्ड रोबिनका आधारमा हुने यस प्रतियोगिताको शीर्ष दुई टोलीले फाइनल खेल्ने छन् । फाइनल खेल फलागुन २७ गते हुनेछ ।  

April 20, 2024

हालान्डले चेल्सीविरुद्धको खेल गुमाउने सम्भावना!

एजेन्सी – म्यानचेस्टर सिटीका नर्वेली फरवार्ड एर्लिङ ब्राउट हालान्डले चेल्सीविरुद्ध हुने एफए कपको सेमिफाइनल गुमाउने सम्भावना बढेको छ । एफए कपको सेमिफाइनलमा आज राति सिटीले चेल्सीसँग वेम्वली स्टेडियममा प्रतिस्पर्धा गर्दैछ । बुधबार च्याम्पियन्स लिगको क्वाटरफाइनलको दोस्रो लेगमा रियल म्याड्रिडसँग टाइब्रेकरमा ४–३ पराजित हुँदा समस्या देखिएपछि हालान्डलाई अन्तिम समयमा परिवर्तन गरिएको थियो । सिटीका प्रशिक्षक पेप […]

April 20, 2024

माने चम्कँदा अल नासरको पूनरागमन जित

एजेन्सी – सेनेगली फरवार्ड साडियो मानेको उच्च प्रदर्शनमा अल नासरले साउदी प्रो लिगमा सानदार पूनरागमन जित निकालेको छ । घरेलु मैदानमा १-० ले पछि परेको स्थिति उल्ट्याएर अल नासरले अल फयामाथि ३-१ को सानदार पूनरागमन जित दर्ता गरेको हो । अल नासरको जितमा साडियो मानेले २ तथा अब्दुलेह अल एम्रीले १ गोल गरे । अल […]

April 19, 2024

इंग्लिस क्लब च्याम्पियन्स र युरोपा लिगकाे क्वाटरफाइनलबाटै बाहिर

एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]

Success

Thank you for your time.