दिपक बोहोरा(पाँचथर) – अधिल्लो महिना फिदिमा आयोजना भएको आठौ फाल्गुनन्द गोल्ड कप प्रतियोगिताको हिसाब सार्वजनिक गरिएको छ । सोमबार आयोजक फिदिम स्पोर्टिङ क्लबले फिदिममा पत्रकार सम्मेलनको आयोजना गरे हिसाब सार्वजनिकिकरण गरेको हो ।
फिदिममा पौष १५ गते बाट २४ गते सम्म चलेको प्रतियोगितामा आयतर्फ रु.२९,६३,७३१ रुपैँया रहेको जसमा सम्पुर्ण प्रयोजक ,चन्दा र टिकट बिक्री बाट प्राप्त भएको आयोजक फिदिम स्र्पोटिङ क्लबका कोषाध्यक्ष बिमल श्रेष्ठले प्रस्तुत गर्नु भएको प्रतिबेदनमा जनाइएको छ । भने ब्याय तर्फ २९६००० रहेको श्रेष्ठले बताए ।
फिदिममा पौष १५ गते बाट २४ गते सम्म नौ दिन सम्म चलेको आठौ फाल्गुनन्द गोल्ड कप प्रतियोगितामा टिकट बिक्रिबाट मात्र रु.१३,३१,९३० रुपैंया संकलन भएको कोषाध्यक्ष बिमल श्रेष्ठले बताउनु भयो । जसमा पौष २४ गते फाइनलको दिन रु.६,०६,००० रुपैँया संकलन भएको जानकारी दिए ।
