default_image

1 month ago

March 22, 2024

नेपालविरुद्ध बहराइनको पहिलो हाफमा तीन गोल

काठमाडौं (हाम्रो खेलकुद) – फिफा विश्वकप छनोट अन्तर्गत बहराइनमा जारी खेलमा नेपाल घरेलु टोली विरुद्ध मध्यान्तरसम्म तीन गोलले पछि परेको छ । बहराइन राष्ट्रिय रंगशालामा जारी खेलमा घरेलु टोलीले पहिलो हाफमा ३-० को अग्रता लिएको हो । खेलमा घरेलु टोलीले नै प्रभुत्व जमाउँदै खेलमा मौकाहरु सिर्जना गरेको छ । नेपालले बल पोसेसनका लागि निकै संघर्ष […]

862 views

0 Bookmark

काठमाडौं (हाम्रो खेलकुद) – फिफा विश्वकप छनोट अन्तर्गत बहराइनमा जारी खेलमा नेपाल घरेलु टोली विरुद्ध मध्यान्तरसम्म तीन गोलले पछि परेको छ । बहराइन राष्ट्रिय रंगशालामा जारी खेलमा घरेलु टोलीले पहिलो हाफमा ३-० को अग्रता लिएको हो ।

खेलमा घरेलु टोलीले नै प्रभुत्व जमाउँदै खेलमा मौकाहरु सिर्जना गरेको छ । नेपालले बल पोसेसनका लागि निकै संघर्ष गर्नु परिरहेको छ भने कप्तान तथा गोलरक्षक किरण चेम्जोङले केही बचाउहरु गर्न सफल भएका छन् ।

नेपालमा लागि सुरुवात नै राम्रो रहेन । खेलको दोस्रो मिनेटमा नै बहराइनले खेलमा अग्रता लिएको थियो । आफ्नै हाफबाट खेलेको पासमा मोहम्मद मरहुनको हेडर पासमा गोल गर्दै माहदी अल हुमाइदानले घरेलु टोलीलाई अग्रता दिलाए । उनले बनाएको रनलाई नेपाली डिफेन्डर तथा गोल लाइन भन्दा अगाडि आएका किरण चेम्जोङले रोक्न सकेनन् ।

आठौ मिनेटमा माहदी अब्दुलजब्बरको प्रहार किरणले विफल बनाए । तर त्यसपछिको कर्नर किकमा बहराइनले अग्रता दोब्बर बनायो । कर्नरमा फारपोस्टमा रहेका डिफेन्डर सायद बाकेरले गोल गर्दै अग्रता दुई गोलको बनाएका थिए ।

२१औं मिनेटमा अल हुमाईदानको भली प्रहार किरणले सहजै बचाए । २४औं मिनेटमा उनकै क्रसमा अब्दुलजब्बरले बक्स भित्रबाट पोस्टभन्दा माथि प्रहार गरे ।

३०औं मिनेटमा छिरिङ लामाले मैदानको मध्यभागमा बल नियन्त्रणमा लिन नसकेपछि बनेको अवसरमा अलि मादनलाई किरणले रोके ।

हाफ लको अन्त्यतिर बहराइनले तेस्रो गोल गर्यो । मरहुनको फ्रिकिक पोस्टमा लागेर फर्किएपछि मादनको हेडरमा किरणले उत्कृष्ट बचाउ गरे । तर खतरा नटरेको अवस्थामा अब्दुलजब्बरले गोल गर्दै अग्रता तीन गोलको बनाए ।

समूह ‘एच’ मा २ खेल खेलिसके पनि नेपाल अंकविहीन छ । समूहमा नेपाल र बहराइनसहित यमन र संयुक्त अरब इमिरेट्स (युएई) छन् । नेपालले यसअघि युएईसँग ४–० र यमनसँग २–० ले पराजित भएको थियो ।

बहराइनले ३ अंकसहित तालिकाको दोस्रो स्थानमा छ। युएईसँग २–० ले पराजित बहराइनले यमनमाथि २–० को जित निकालेको थियो।

April 21, 2024

आर्सनल शीर्षस्थानमा

एजेन्सी – घरेलु टोली वल्भ्समाथि २–० काे सहज जित हात पार्दै लन्डन क्लब आर्सनल इंग्लिस प्रिमियर लिगको शीर्षस्थानमा उक्लिएको छ । आर्सनलले एक खेल कम खेलेको म्यानचेस्टर सिटी र लिभरपुललाई पछि पार्दै शीर्षस्थानमा उक्लन सफल भएको हो ।वल्भरह्याम्टनमा शनिबार राति भएको खेलमा आर्सनललाई जिताउन लियान्द्रो ट्रोससार्ड र मार्टिन ओडेगार्डले गोल गरे । पहिलो र दोस्रो […]

April 21, 2024

म्यानचेस्टर सिटी एफए कपको फाइनलमा

एजेन्सी – चेल्सीलाई हराउँदै साविक विजेता म्यानचेस्टर सिटी एफए कपको फाइनलमा प्रवेश गरेको छ । सिटीले शनिबार चेल्सी माथि १-० को झिनो जित निकाल्दै उपाधि भिडन्त पक्का गरेको हो । सिटीको जितमा बर्नार्डो सिल्भाले खेलको ८४औं मिनेटमा गरेको गोल नै निर्णायक बन्यो । केभिन डी ब्रुइनले बक्स भित्रबाट नै गरेको क्रस चेल्सी गोलरक्षक जोर्डजे पेट्रोभिचले […]

April 20, 2024

हालान्डले चेल्सीविरुद्धको खेल गुमाउने सम्भावना!

एजेन्सी – म्यानचेस्टर सिटीका नर्वेली फरवार्ड एर्लिङ ब्राउट हालान्डले चेल्सीविरुद्ध हुने एफए कपको सेमिफाइनल गुमाउने सम्भावना बढेको छ । एफए कपको सेमिफाइनलमा आज राति सिटीले चेल्सीसँग वेम्वली स्टेडियममा प्रतिस्पर्धा गर्दैछ । बुधबार च्याम्पियन्स लिगको क्वाटरफाइनलको दोस्रो लेगमा रियल म्याड्रिडसँग टाइब्रेकरमा ४–३ पराजित हुँदा समस्या देखिएपछि हालान्डलाई अन्तिम समयमा परिवर्तन गरिएको थियो । सिटीका प्रशिक्षक पेप […]

Success

Thank you for your time.