default_image

7 years ago

February 1, 2017

चेल्सी र लिभरपुल बराबरीमा रोकिए, आर्सनलको हार

लिभरपुल (एजेन्सी)– घरेलु मैदानमा प्रिमियर लिगका ३ खेल लगातार हारेको लिभरपुलले गए राती शीर्षस्थानको चेल्सीलाई १–१ को बराबरीमा रोकेको छ । लिभरपुलले एनफिल्डमा सुरुको १५ मिनेट खेल नियन्त्रणमा राखेपनि डेभिड लुइसको गोलबाट चेल्सीले खेलमा अग्रता बनाएको थियो । २४ औं मिनेटमा लुइसले फ्रिकिकमा गोल गरेका थिए । दोस्रो हाफमा जिनी वाइनाल्डमको हेड गोलबाट लिभरपुल खेलमा […]

73 views

0 Bookmark

लिभरपुल (एजेन्सी)– घरेलु मैदानमा प्रिमियर लिगका ३ खेल लगातार हारेको लिभरपुलले गए राती शीर्षस्थानको चेल्सीलाई १–१ को बराबरीमा रोकेको छ । लिभरपुलले एनफिल्डमा सुरुको १५ मिनेट खेल नियन्त्रणमा राखेपनि डेभिड लुइसको गोलबाट चेल्सीले खेलमा अग्रता बनाएको थियो । २४ औं मिनेटमा लुइसले फ्रिकिकमा गोल गरेका थिए ।

luiz-chelsea

दोस्रो हाफमा जिनी वाइनाल्डमको हेड गोलबाट लिभरपुल खेलमा फर्केको थियो । कप्तान हेन्डरसनको पासमा बायाँबाट डेभिड मिल्नरले मिलाएको बलमा विपक्षी खेलाडीलाई ठोक्किदै वाइनाल्डमको अगाडी पुग्यो, जसलाई उनले खेल जान दिएनन् ।

खेलको अन्त्यतिर चेल्सीले गोलअन्तर बढाउने मौका पाएको थियो । तर डिएगो कोस्टा पेनाल्टीमा गोल गर्न चुकेपछि चेल्सीले बराबरीमा चित्त बुझाउनु परेको थियो । खेलको ७६ औं मिनेटमा म्याटिपले कोस्टालाई पेनाल्टी बक्समा लडाउदा रेफ्री मार्क क्लाटेनबर्गले चेल्सीलाई पेनाल्टी दिएका थिए ।

कोस्टाको प्रहार लिभरपुलका गोल किपर मिग्नोलेले रोक्दै घरेलु समर्थकसामु टोलीलाई लगातार चौथो हारबाट जोगाए । कोस्टाको बाँया तिर गरेको प्रहारलाई मिग्नोलेले सही अनुमान लगाउदै रोकेका थिए ।

प्रिमियर लिगका अन्य खेलमा वाटफोर्ड, क्रिस्टल प्यालेस, बर्नली, स्वान्सी सिटी विजयी भएका छन् । टोटेनह्याम र सन्डरल्यान्डले गोलरहित तथा मिडल्सब्रो र वेस्ट ब्रुमविचले १–१ को बराबरी खेलेका छन् । बराबरीपछि टोटेनह्याम दोस्रो स्थानमा उक्लेको छ भने समान ४७ अंक भएको आर्सनल तेस्रो स्थानमा झरेको छ ।

आर्सनले वाटफोर्डलाई २–१ को नतिजा सुम्पिेको थियो । पहिलो हाफको १३ मिनेट भित्र लिएको अग्रतालाई जोगाउँदै वाटफोर्डले आर्सनलमाथि जित निकालेको थियो । योनेस काबाउलले १० औं र ट्रोए डिनेले १३ औं मिनेटमा वाटफोर्डका लागि गोल गरे । आर्सनलका लागि ५८ औं मिनेटमा एलेक्स इओबीले गोल गरेपनि टोलीको हार टरेन ।

क्रिस्टल प्यालेसले बोर्नमाउथलाई २–१ ले, स्वान्सीले साउथह्याम्टनलाई २–१ ले बर्नलीले साविक विजेता लेस्टरलाई १ –० ले हराएको छ । बराबरीपछि शीर्षस्थानको चेल्सीको ५६ अंक छ भने चौथो स्थानमा रहेको लिभरपुलको ४६ अंक छ ।

March 28, 2024

सुरेश थापा क्षेत्री स्मृति फुटबलमा बाहुनडाँगी विजयी

हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

Success

Thank you for your time.