default_image

1 month ago

April 6, 2024

भरतपुरलाई कपिलवस्तु तिलौराकोट गोल्डकपको उपाधि

652 views

0 Bookmark

काठमाडौं (हाम्रो खेलकुद) – विभागीय टोली नेपाल पुलिस क्लबलाई पराजित गर्दै हानामी भरतपुर फुटबल क्लबले प्रथम कपिलवस्तु तिलौराकोट गोल्डकपको उपाधि जितेको छ ।

कपिलवस्तुस्थित बुद्ध रंगशालामा शनिबार भएको फाइनलको निर्धारित समय १-१ को बराबरीमा सकिएपछि टाइब्रेकरमा भरतपुरले जित हासिल गरेको हो । उपाधिसँगै विजेता टोलीले ११ लाख ११ हजार १ सय ११ रुपैयाँ पायो । पुलिसले ५ लाख ५५ हजार ५ सय ५५ रुपैयाँ प्राप्त गर्यो ।

सुजित भण्डारीले चौथो मिनेटमा पेनाल्टीमार्फत भरतपुरलाई अग्रता दिलाएपनि अनुप लिम्बुले ४५ औं मिनेटमा पुलिसका लागि बराबरी गोल फर्काए ।

टाइब्रेकरमा भरतपुरका राम शाही, सुजित बुढाथोकी, सगर लामा र आशिष सुनामले गोल गर्दा मनिष तामाङ चुके । पुलिसका शिशिर चौधरी, विवेक पाण्डे र अनुप लिम्बुले गोल गर्दा पृथ्वी चौधरी र हेम तामाङले गोल गर्न सकेनन् ।

भरतपुरका सुजित बुढाथोकी सर्वोत्कृष्ट खेलाडी बन्दा भविन्द्र मल्ल उत्कृष्ट गोलरक्षक, अमृत श्रेष्ठ उत्कृष्ट डिफेन्डर तथा ध्रुव भुषाल उत्कृष्ट प्रशिक्षक चुनिए । पुलिसका पृथ्वी चौधरी उत्कृष्ट मिडफिल्ड र विवेक पाण्डे उत्कृष्ट फरवार्ड भए ।

May 20, 2024

डिबाला बिना अर्जेन्टिनाको टोलीको घोषणा

एजेन्सी – अर्जेन्टिनी फुटबल एसोसिएसन (एएफए) ले आउँदो कोपा अमेरिकाका लागि सार्वजनिक गरेको प्रारम्भिक अर्जेन्टिना टोलीमा स्टार खेलाडी पाउलो डिबाला पर्न असफल भएका छन् । इटालियन टोली रोमामा आवद्ध उनी २९ जनाको प्रारम्भिक टोलीमा समेत रहन असफल रहे । डिबालाले यस सिजन रोमाका लागि ३८ खेलमा १६ गोल गरेका छन् । लिगको छैठौं स्थानमा रहेको […]

May 20, 2024

सोर्लाेथको चार गोलमा रियल म्याड्रिड रोकियो

एजेन्सी – नर्वेली फरवार्ड अलेक्जेन्डर सोर्लाेथले ह्याट्रिकसहित चार गोल गरेपछि भिल्लारियलले यो सिजनको ला लिगाको च्याम्पियन बनिसकेको रियल म्याड्रिड बराबरीमा रोक्न सफल भएको छ । खेलमा आरामदायी अग्रता लिएपनि त्यसलाई जोगाउन नसक्दा र सोर्लाेथ एक्लैले चार गोल गरेपछि रियल म्याड्रिड घरेलु टोली भिल्लारियलसँग ४–४ गोलको बराबरीमा रोकिएको हो । गोलको वर्षा भएको खेलमा रियलका अर्दा […]

May 19, 2024

म्यानचेस्टर युनाइटेडलाई प्रिमियर लिगमा आठौं स्थान

एजेन्सी – म्यानचेस्टर युनाइटेडले २०२३/२४ इंग्लिश प्रिमियर लिग सिजनको अन्त्य आठौं स्थानमा रहँदै गरेको छ । सिजनभर राम्रो लय समात्न नसकेको युनाइटेडले लज्जास्पद सिजनको अन्त्य आठौं स्थानमा गरेको हो । लिग सिजनको अन्तिम खेलमा युनाइटेडले ब्राईटन विरुद्ध २-० को जित हासिल गर्यो । युनाइटेडको जितमा डियोगो डालोट र रास्मस होईल्याण्डले एक-एक गोल गरे । युनाइटेडले […]

Success

Thank you for your time.