दिपक बोहोरा
झापा – आयोजक झापा ११ दोश्रो रमपम झापा गोल्डकप फुटबल प्रतियोगिताको सेमिफाइनलमा पुगेको छ । बिर्तामोडको डोमलाल रंगशालामा बुधबार सुदूर पश्चिम स्र्पोटस क्लबलाई ४–० ले हराउँदै प्रतियोगिताको अन्तिम चारमा पुगेको हो ।

झापाको जितमा अजयी मार्टिन कयोडे ले दुई गोल गरे भने अर्को गोल बुद्ध चेम्जोङले गरेका थिए । अर्को गोल आत्मघाती भएको थियो । मार्टिनले ३० औं मिनेटको पहिलो गोलमा नरेन लिम्बुको पासलाई सदुपयोग गरेका थिए । दोस्रो हाफको पहिलो मिनेटमा बुद्धले गोल गरेका थिए । बुद्धले गोल गरेको एक मिनेट वित्न नपाउँदै राकेश हमालले आत्मघाती गोल गरे । मार्टिनको प्रहारलाई रोक्ने क्रममा राकेशले आफ्नै पोस्टमा आत्मघाती गोल गरेका हुन् ।

मार्टिनले खेल सकिन ६ मिनेटअघि अर्को गोल गरेका थिए । त्यो गोलमा दिलेन लोक्तानको  पास थियो । त्यसअघि दोस्रो हाफको पहिलो मिनेटमा बुद्धले गोल गरेका थिए । मार्टिन खेलेको म्यान अफ दी म्याच घोषित भएर उनले ७ हजार रुपैयाँ प्राप्त गरे ।
पहिलो खेलमा शेर क्लब कालेम्पुङ भारत माथि ५–० को सहज जितका साथ झापा अन्तिम आठमा पुगेको थियो । सुदुर पश्चिमले सोझै क्वार्टरफाइनलमा प्रवेश पाएको थियो । झापाले अघिल्लो महिना काँकरभिट्टा गोल्डकप जितेको थियो ।

झापा गोल्ड कपमा बिहीबारको क्वार्टरफाइनल
मनाङविरुद्ध एनआरटी