default_image

4 weeks ago

April 23, 2024

इन्टर मिलान सिरी ‘ए’ च्याम्पियन

935 views

0 Bookmark

एजेन्सी – मिलान डर्वीमा शहरी प्रतिद्धन्द्धी एसी मिलानलाई पराजित गर्दै इन्टर मिलान यस सिजन २०२३–२४ को इटालियन सिरी ‘ए’ को च्याम्पियन बनेको छ ।

मिलानोमा सोमबार राति भएको खेलमा इन्टरले एसी मिलानलाई २–१ ले पराजित गर्दै २०औं पटक सिरी ‘ए’ को च्याम्पियन बन्न सफल भएको हो । इन्टर यो सिजन पाँच खेल अगावै च्याम्पियन बनेको हो ।

अब सिरी ‘ए’ मा पाँच राउन्डको खेल बाँकी रहँदा शीर्षस्थानमा रहेको इन्टरले दोस्रो स्थानको एसी मिलानलाई १७ अंकले पछि पारेको छ । इन्टरले बाँकी सबै खेलमा हार र मिलानले सबै खेलमा जित निकालेपनि समिकरण बदलिने छैन ।

इन्टरलाई पाँच खेल अगावै च्याम्पियन बनाउन फ्रान्सिस्को एसर्वी र मार्कस थुरामले गोल गरे । मिलानका फिकायो तोमारीले एक गोल फर्काए ।

खेलको १८औं मिनेटमा बेन्जामिन पाभार्डको पासमा एसर्वीले हेडरमार्फत गोल गर्दै इन्टरलाई १–० को अग्रता दिलाए । ४९औं मिनेटमा मार्कस थुरामले गोल गरेपछि इन्टर खेलमा २–० ले अघि बढ्यो । ८०औं मिनेटमा फिकायो तोमारीले गोल गर्दे खेललाई २–१ को स्थितिमा ल्याएपनि त्यसपछि थप गोल निस्कन नसक्दा इन्टरले सफलता हात पार्यो ।

इन्ज्युरी समयमा रातो कार्डको वर्षा भयो । मिलानका थियो हर्नान्डेज र डेभिड क्यालाब्रिया तथा इन्टरका डेन्जेल डम्फ्रिजले रतो कार्ड पाए । थियो र डेन्जेल एक आपसमा झगडामा उत्रिएको अवस्थामा रातो कार्ड पाउँदा मिलान कप्तान डेभिड क्यालाव्रिया पनि त्यसमै मुछिदा रातो कार्डको भागिदार बने ।

इन्टरका खेलाडी र अफिसियलहरु रेफ्रीको अन्तिम ह्वीसिलसँगै च्याम्पियनको खुशीयालीमा मैदानमा दौडिएर उत्सव मनाए ।मिलान डर्बीको ११६ वर्षको इतिहासमा इन्टरले सिरी ए उपाधि जितेको यो पहिलो पटक हो ।

च्याम्पियन बनेसँगै इन्टर मिलानको २०औं उपाधि जित्दा मिलानलाई पछि पारेको छ । मिलानले १९ पटक उपाधि जितेको छ । युभेन्ट्सले कीर्तिमानी ३६ पटक उपाधि जितेको छ ।

सन् २०१ पछि इन्टरको यो दोस्रो उपाधि हो । यसअघि इन्टरले सन् २०२१ मा एन्टोनियो कोन्टेको नेतृत्वमा उपाधि जितेको थियो । यो सिजन उच्च लयमा रहेको इन्टरले ३३ खेलमा २७ जित, ५ बराबरी र १ हारको नतिजा निकालेको छ ।

इन्टर गत सेप्टेम्वरमा ससुलोसँग घरेलु मैदानमै २–१ ले पराजित भएको थियो । इन्टरले सिरी ‘ए’ मा ७९ गोल गर्दा केवल १८ गोल बेहोरेको छ । यस्तै इन्टरले पछिल्ला ६ डर्बी जितेर मिलानको सन् १९११–१९१३ र १९४६–१९४८ सम्मको कीर्तिमान बराबरी गरेको छ ।

May 20, 2024

सोर्लाेथको चार गोलमा रियल म्याड्रिड रोकियो

एजेन्सी – नर्वेली फरवार्ड अलेक्जेन्डर सोर्लाेथले ह्याट्रिकसहित चार गोल गरेपछि भिल्लारियलले यो सिजनको ला लिगाको च्याम्पियन बनिसकेको रियल म्याड्रिड बराबरीमा रोक्न सफल भएको छ । खेलमा आरामदायी अग्रता लिएपनि त्यसलाई जोगाउन नसक्दा र सोर्लाेथ एक्लैले चार गोल गरेपछि रियल म्याड्रिड घरेलु टोली भिल्लारियलसँग ४–४ गोलको बराबरीमा रोकिएको हो । गोलको वर्षा भएको खेलमा रियलका अर्दा […]

May 19, 2024

म्यानचेस्टर युनाइटेडलाई प्रिमियर लिगमा आठौं स्थान

एजेन्सी – म्यानचेस्टर युनाइटेडले २०२३/२४ इंग्लिश प्रिमियर लिग सिजनको अन्त्य आठौं स्थानमा रहँदै गरेको छ । सिजनभर राम्रो लय समात्न नसकेको युनाइटेडले लज्जास्पद सिजनको अन्त्य आठौं स्थानमा गरेको हो । लिग सिजनको अन्तिम खेलमा युनाइटेडले ब्राईटन विरुद्ध २-० को जित हासिल गर्यो । युनाइटेडको जितमा डियोगो डालोट र रास्मस होईल्याण्डले एक-एक गोल गरे । युनाइटेडले […]

May 19, 2024

क्लोपको लिभरपुल कार्यकालको सुखद अन्त्य

एजेन्सी – प्रशिक्षक जोर्गेन क्लोपको अन्तिम खेलमा लिभरपुलले सुखद नतिजा प्राप्त गरेको छ । ९ वर्ष पछि लिभरपुलबाट विदा हुन लागेका क्लोपको अन्तिम खेलमा लिभरपुलले वल्भस विरुद्ध २-० को जित दर्ता गरेको हो । लिभरपुलको जितमा एलेक्सिस मक यालिस्टर र ज्यारेल क्वान्साहले १-१ गोल गरे । लिभरपुलले तेस्रो स्थानमा रहँदै लिग सिजनको अन्त्य गरेको छ […]

Success

Thank you for your time.