अखिल नेपाल फुटबल संघले हिजो लक्ष्मीमार्ग रंगशालामा मोरङ र थ्रि स्टार बिचको खेलपछि रेफ्रिमाथि भएको आक्रमणका दोषीहरुलाई कडा कारवाहि गर्ने भएको छ|
मोरङ र थ्रि स्टार विचको खेलको समापनपछि भएको घटनाक्रमको विषयमा बसेको अनुशासन कमिटीको बैठकले सो निर्णय गरेको हो| एन्फाको प्रतियोगिता नियमावली अनुसार तिन खेलाडी, प्रशिक्षक पारस चौधरी, मेनेजर चुमन बस्नेत र सहायक प्रशिक्षक मनिष तिमल्सिनालाई एन्फाले आयोजना गर्ने वा संघको स्विकृतिमा आयोजना हुने सबै प्रतियोगिताबाट प्रतिबन्ध लगाएको छ|
खेलाडीहरु टेक बहादुर लिम्बु, सुरेन्द्र थापा र सुनिल खड्कालाई १८ महिना प्रतिबन्ध गरिएको छ भने प्रशिक्षक पारस चौधरी र मेनेजर चुमन कुमार बस्नेत १ वर्षे कुनै एन्फा सम्बन्धित गतिविधिमा सामेल हुन पाउने छैनन्| सहायक प्रशिक्षक ननिष तिमल्सिनालाई दुई वर्षे प्रतिबन्ध लगाइएको छ|
रुस्लान थ्रि स्टार र मोरङको खेलमा रेफ्रि सुदिस पाण्डेले दुई पेनाल्टी दिएको र खेल पश्चात खेलाडी र प्रशिक्षकले रेफ्रिमाथि अपशब्द प्रयोग गरेको र त्यसपछि दर्शकहरु समेत मैदानमा प्रवेश गरी सहायक रेफ्रिहरु एवं रेफ्रि माथि साघांतिक आक्रमण गरेको कुरा रेफ्री असेसर, म्याच कमिस्नर, डाक्टर र रेफ्री रिपोर्टमा उल्लेख छ |
प्रतियोगिताको नियमावली अनुसार मोरङ फुटबल क्लबलाई रु ५०,००० जरीवाना गराउने निर्णय पनि अनुशासन कमिटीले लिएको छ|
