सुर्खेत (हाम्रो खेलकुद)– सुदूरपश्चिम प्रदेशले महिला लिग छनोटमा दोस्रो जित निकालेको छ । अस्मिता चौधरीको २ गोलको मद्दतमा सुदूरपश्चिमले बुधबार मधेश प्रदेशलाई ३–० ले हराएको छ ।

कर्णाली प्रदेश रंगशालामा भएको खेलमा पाँचौं मिनेटमा यसोदाकुमारी चिरलको गोलबाट सुदूरपश्चिमले अग्रता लिएको थियो । अस्मिताले ५१ औं र ६१ औं मिनेटमा गोल गर्दै टोलीलाई जित दिलाइन् ।

तेस्रो खेलमा दोस्रो खेल जितेको सुदूरपश्चिम ६ अंकसहित दोस्रो स्थानमा छ । मधेशले तेस्रो खेलमा दोस्रो खेल गुमाएको छ ।

कर्णाली शीर्षस्थानमा

दिनको पहिलो खेलमा समिक्षा मगरको २ गोलमा कोशी प्रदेशले गण्डकी प्रदेशलाई ३–० ले सहजै हराएको थियो । लगातार तेस्रो जितपछि ९ कोशी शीर्षस्थानमा छ ।

छैटौं मिनेटमा समिक्षाले गोल गर्दै टोलीलाई पहिलो हाफमा १–० को अग्रता दिलाइन् । गण्डकी दोस्रो हाफमा पनि खेलमा फर्कन सकेन । कोशी भने थप २ गोल गर्न सफल रहयो।

२औं मिनेटमा ममता रावतले कोशीको अग्रता दोब्बर गरिन् । त्यसपछि ९०औं मिनेटमा समिक्षाले व्यक्तिगत दोस्रो गोल गरिन् । लिग छनोटमा समिक्षाको यो चौथो गोल हो । उनले यसअघि सुदुरपश्चिम प्रदेश विरूद्ध पनि २ गोल गरेकी थिइन् । कोशीकी समिक्षा प्लेयर अफ दी म्याच घोषित भइन् ।

कोशीले पहिलो खेलमा कर्णालीलाई ३–० र दोस्रो खेलमा सुदूरपश्चिमलाई २–१ ले हराएको थियो । दोस्रो खेलमा हार बेहोरेको गण्डकीको ३ अंक छ ।