काठमाडौं (हाम्रो खेलकुद)– हिमालयन शेर्पा क्लब र बगरभाई खलक पोखरा रुस्लान जावलाखेल भेट्रान फुटबल प्रतियोगिताको क्वार्टरफाइनलमा पुगेका छन् । त्यस्तै सानो गौचरन नाइट किङ्ग र सामाखुसी फुटसल पनि समूह बीबाट अन्तिम आठमा पुगेका छन् ।

बिहीबार समूह सीमा बगरभाई खलकले दुई मध्ये एक खेल जित्यो भने अर्कोमा बराबरी गर्यो । क्लब मोसेसलाई १–० ले हराएको बगरभाई खलकले अर्को खेलमा हिमालयन शेर्पासँग १–१ को बराबरी खेलेको थियो । हिमाल थापाको गोलमा बगरभाई खलकले मोसेसलाई हराएको थियो । हिमाल नै खेलको म्यान अफ दी म्याच चुनिए । अर्को खेलमा हिमालयन शेर्पाविरुद्ध बगरभाई खलकका लागि राजु गुरुङले गोल गरे । हिमालयनका सविक शाक्यले गोल गरे ।

समूह डीमा अभिषेक चर्च नवलपरासी र नेपाल आर्मीले १–१ को बराबरी खेले । आर्मीका बसन्त गुरुङ र नवलपरासीका चक्र पुनले गोल गरे । सो खेलमा नवलपरासीका रविन्द्रकुमार श्रेष्ठ म्यान अफ दी म्याच बने । किरण महर्जन म्यान अफ दी म्याच बनेको खेलमा फ्रेन्ड्स क्लबले रुस्लानलाई १२–० ले हरायो ।

अर्को खेलमा आर्मी र फ्रेन्ड्सले गोलरहित बराबरी खेले । त्यो खेलमा आर्मीका आदर्श मल्ल म्यान अफ दी म्याच बने । समूह एको खेलमा कैलालीले आदिवासी फुटबल क्लबलाई ५–० ले हरायो । कैलालकीका लागि सिद्धी व्यञ्जनकारले ५ गोल गरे । उनै म्यान अफ दी म्याच चुनिए ।