एजेन्सी – ग्यारेथ साउथगेटले युरो २०२४ का लागि आफ्नो ३३ खेलाडीको प्रारम्भिक इंग्ल्याण्ड टोली सार्वजनिक गरेका छन् । तीन वर्ष अघि घरेलु भूमिमा फाइनलमा पराजित इंग्ल्याण्ड यस पटक पनि उपाधि दावेदारको रुपमा रहेको छ । 

पछिल्लो केहि वर्षमा टोलीको महत्वपुर्ण खेलाडीका रुपमा रहेका मार्कस रासफोर्ड, जोर्डन हेन्डरसन र रहिम स्टर्लिङ यसपटक भने टोलीमा परेका छैनन् । 

तर सन् २०१६ देखि राष्ट्रिय टोलीको जिम्मेवारी सम्हालेका साउथगेटले कर्टिस जोन्स, जेरेल क्वान्साह, एडम व्हार्टन, कोबी माइनु जस्ता युवा खेलाडीहरुलाई प्रतियोगिता अघि केहि मौका दिँदै टोलीमा राख्ने-नराख्ने निर्णय लिएका छन् । 

इंग्ल्याण्डले आजसम्म युरोपियन च्याम्पियनसिप उपाधि जित्न सकेको छैन । इंग्ल्याण्डले १९६६ मा विश्वकप जितेयता कुनै अन्तराष्ट्रिय उपाधि जित्न सकेको छैन ।  

यूरोमा सहभागी सबै टोलीले जुन ७ सम्ममा २६ सदस्यीय टोली घोषणा गर्नुपर्नेछ ।

इंग्ल्याण्डको प्रारम्भिक टोली:

गोलकिपर: जेम्स ट्राफोर्ड, डीन हेन्डरसन, आरोन राम्सडेल, जोर्डन पिकफोर्ड

डिफेन्डर: जेराड ब्रान्थवेट, ज्यारेल क्वान्सा, ल्यूक श, मार्क गुएही, एज्री कोन्सा, लुइस डंक, जो गोमेज, काइल वाल्कर, ह्यारी मग्वायर, जोन स्टोन्स, किरन ट्रिपियर

मिडफिल्डर: एडम व्हार्टन, कोबी माइनू, कर्टिस जोन्स, कनर ग्यालाघर, डेक्लान राइस, ट्रेन्ट अलेक्जेंडर-अर्नोल्ड

फरवार्डः इभान टोनी, ओली वाटकिन्स, एन्थोनी गोर्डन, ह्यारी केन, फिल फोडेन, कोल पाल्मर, जुड बेलिङ्घम, बुकायो साका, जेम्स म्याडिसन, जारोड बोवेन, एबेरेची इजे, ज्याक ग्रेलिस