काठमाडौं (हाम्रो खेलकुद)– बगरभाई खलक पोखरा, सानो गौचरन नाइट किङग क्लब, हिमालयन शेर्पा क्लब र अभिषेक चर्च नवलपरासी  रुस्लान जावलाखेल भेट्रान्स फुटबल प्रतियोगिताको सेमिफाइनलमा पुगेका छन् । सेमिफाइनल र फाइनल शनिबार हुनेछ ।

जावलाखेलको मैदानमा शुक्रबार भएको क्वार्टरफाइनलमा बगरभाई खलकले आयोजक जावलाखेललाई टाइब्रकेरमा हराएको थियो । गोलरहित बराबरीपछि को टाइब्रेकरमा बगरभाई खलक विजयी भएको थियो । त्यो खेलमा बगरभाई खलकका रविन शाही म्यान अफ दी म्याच घोषित भएका थिए ।
सानो गौचरनले आर्मीलाई १–० ले हराएर अन्तिम आठको यात्रा तय गरेको थियो । शशी रिमालको गोलमा सानो गौचरन विजयी भएको थियो । शशी नै खेलको म्यान अफ दी म्याच घोषित भए । हिमालयन शेर्पाले कैलालीलाई टाइब्रेकरमा ५–४ ले पराजित गरेको थियो । २–२ को बराबरीपछि टाइब्रेकरमा हिमायन शेर्पाले बाजी मारेको थियो । निर्धारित समयमा कैलालीका लागि सिद्धि व्यञ्जनकार र सुरज लामाले गोल गरे । त्यस्तै हिमालयन शेर्पाका लागि आनन्द गुरुङ र म्यान अफ दी म्याच सविन शाक्यले गोल गरे ।

चक्र पुनको दुई गोलमा अभिषेक चर्चले सामाखुसी फुटबललाई २–१ ले हरायो । सामाखुसीका लागि निमा लामाले गोल गरे । चक्र खेलको म्यान अफ दी म्याच चुनिाए । त्यसअघि समूह चरणको खेलमा अभिषेक चर्चले फ्रेन्ड्स क्लबलाई ३–० ले हराउँदा रविन्द्रकुमार श्रेष्ठले २ र अर्को गोल म्यान अफ दी म्याच यामबहादुर गुरुङले गोल गरे ।