default_image

4 weeks ago

May 28, 2024

रोनाल्डोको कीर्तिमान

3152 views

0 Bookmark

एजेन्सी – अल नासरका पोर्चुगिज भेट्रान फरवार्ड क्रिस्टियानो रोनाल्डोले साउदी प्रो लिगको एक सिजनमा ३५ गोल गरेर सर्वाधिक गोल गर्ने कीर्तिमान तोडेका छन् ।

सोमबार राति अल इत्तिहादलाई ४–२ ले पराजित गरेको खेलमा दुई गोल गरेसँगै रोनाल्डोले पुरानो कीर्तिमान तोड्दै यो सिजनको साउदी प्रो लिगको सर्वाधिक गोलकर्ता बनेका हुन् । उनले यो सिजन लिगमा ३१ खेलमा ३५ गोल र ११ असिस्ट प्रदान गरे ।

३९ वर्षीय रोनाल्डोले नयाँ कीर्तिमान बनाउने क्रममा अल नासरकै पुर्व मोरक्कन फरवार्ड अब्देरराजक हमदल्लाहको कीर्तिमान तोडेका हुन् । उनले सन् २०१८–१९ को सिजनमा ३४ गोल गरेका थिए ।

स्पोर्टिङ, म्यानचेस्टर युनाइटेड, रियल म्याड्रिड, युभेन्टस र म्यानचेस्टरबाट खेलेका रोनाल्डो जनवरी २०२३ मा अल नासरमा आबद्ध भएका रोनाल्डोले यो सिजन ५० खेलमा आफ्नो गोलसंख्या ५० नै पु¥याएका छन् ।

यो सिजन रोनाल्डोको व्यक्तिगत प्रदर्शन उच्च रहेपनि टोलीलाई उपाधि दिलाउन सकेनन् । यो सिजन अल नासर साउदी प्रो लिगमा दोस्रो, साउदी कपमा सेमिफाइनल र एसियन च्याम्पियन्स लिगमा क्वाटरफाइनलबाटै बाहिरियो ।

अब यो सिजन रोनाल्डोको टोलीले लिग च्याम्पियन अल हिलालसँग किङ्स कपको फाइनल खेल्न बाँकी छ । यो खेल १ जुनमा हुनेछ ।

अल नासरको जितमा रोनाल्डोले दुई गोल गर्दा अब्दुलरहमान घारिव, मेसारी अल नेमेरले समान एक गोल गरे । इत्तिहादका फारह अल समरानी र फाविन्होले गोल फर्काए ।

६६औं मिनेटमा सुवेइलेम अल मेनहालीले सिधै रातो कार्ड पाएपछि इतिहाद १० खेलाडीमा समेटिएर खेल्नुपरेको थियो । त्यसपछि ६ मध्ये ५ गोल सम्भव भएको थियो । पहिलो हाफको इन्ज्युरी समयमा रोनाल्डोले गोल गर्दै टोलीलाई अग्रता दिलाएका थिए ।

६९औं मिनेटमा रोनाल्डोले व्यक्तिगत दोस्रो गोल गरे । ७९औं मिनेटमा घारिवले पेनाल्टीमा गोल गरेपछि अल नासर खेलमा ३–० ले अघि बढ्यो ।

८८औं मिनेटमा फारह र इन्ज्युरी समयको थपगरिएको दोस्रो मिनेटमा फाविन्होले गोल गरेपछि खेल ३–२ को स्थितिमा पुग्यो । इन्ज्युरी समयमै रोनाल्डोको स्थानमा मैदान छिरेका नेमेरले गोल गर्दै अल नासरलाई जित दिलाए ।

यस जितले अल नासर ३४ खेलबाट ८२ अंक जोडेर दोस्रो स्थानमा रह्यो । अल इतिहाद ५४ अंक जोडेर पाँचौं स्थानमा रह्यो ।

June 23, 2024

चितवन जिल्ला लिग यसै साता सुरु हुने

सुशिल पन्त क्षेत्री, चितवनसेन्ट्रल कलेज चितवन जिल्ला ए डिभिजन लिग फुटबल यसै साता सुरु हुने भएको छ। आयोजक चितवन जिल्ला फुटबल संघले असार १४ गते सुरु हुने लिगमा  सहभागी १३ टोलीलाई‌ दुई समूह विभाजन गरेको  छ । सेन्ट्रल टावरमा आज (आइतबार) एक कार्यक्रमकाबीच भएको  विभाजनको समूह ए मा साविक विजेता हनामी भरतपुर फुटबल क्लब (बिएफसी) […]

June 22, 2024

पोर्चुगल युरोको अन्तिम १६ मा

एजेन्सी – लगातार दोस्रो जित दर्ता गर्दै पोर्चुगल युरो कप २०२४ को अन्तिम १६ मा प्रवेश गरेको छ । दोस्रो जित दर्ता गर्ने क्रममा पोर्चुगलले टर्कीलाई ३-० ले सहजै पराजित गरेको हो । पोर्चुगलका लागि बर्नार्डो सिल्भा र ब्रुनो फर्नान्डेजले १-१ गोल गरे भने १ गोल आत्मघाती गोल रहेको थियो । २१औं मिनेटमा बर्नार्डो सिल्भाले […]

June 22, 2024

जर्जिया र चेकियाको बराबरी 

काठमाडौँ (हाम्रोखेलकुद) – यूरो कप २०२४ अन्तर्गत शनिवार सम्पन्न पहिलो खेलमा जर्जिया र चेकियाले बराबरी खेलेका छन् । जर्मनीको ह्यामबर्गमा भएको खेल १-१ को बराबरीमा सकिएको हो । पहिलो हाफको अन्त्यतिर जर्जियाले खेलमा पेनाल्टीमार्फत अग्रता लिएको थियो । रोबिन ह्रनाचले बक्स भित्र ह्याण्डबल गरेपछि पाएको पेनाल्टीमा जर्जेस मिकाउताड्जेले कुनै गल्ती गरेनन् ।   खेलको ५९औ मिनेटमा […]

Success

Thank you for your time.