एजेन्सी – युरोपेली च्याम्पियन्स लिग उपाधि भिडन्त आज राती हुँदै छ । लन्डन स्थित वेम्ब्ली स्टेडियममा आज राती १२:४५ बजे जर्मन टोली बोरुसिया डर्टमुण्डले स्पेनिश टोली रियल म्याड्रिड विरुद्ध खेल्नेछ ।

रियलले कीर्तिमानी १४ पटक उपाधि जितेकाे छ। सबैभन्दा धेरै उपाधिको तालिकामा एसी मिलान ७ उपाधि सहित दोस्रो स्थानमा छ । आज जित निकाल्न सके रियलले मिलानको उपाधिको दोब्बर भन्दा बढी उपाधि जित्नेछ ।

उता डर्टमुण्ड १९९७ मा एक पटक मात्र च्याम्पियन्स लिगको उपाधि उचालेको टोली हो । पछिल्लो पटक डर्टमुण्ड २०१३ मा च्याम्पियन्स लिग फाइनल पुगेको थियो । सो फाइनलमा डर्टमुण्डले बायर्न म्युनिखविरुद्ध २-१ को हार बेहोरेको हो ।

डर्टमुण्डका लागि आजको फाइनल अझै एक कारणले खास छ । क्लब लिजेण्ड मार्को रुइसका लागि आजको खेल १२ वर्षपछि क्लबका लागि अन्तिम हुनेछ । त्यसैले पनि दोस्रो उपाधि जित्दै डर्टमुण्ड रुइसलाई सुखद अन्त्य दिन चाहन्छ ।

डर्टमुण्डको फाइनल यात्रा:

समूह चरण:
पिएसजी २-० डर्टमुण्ड
डर्टमुण्ड ०-० एसी मिलान
न्युक्यासल ०-१ डर्टमुण्ड
डर्टमुण्ड २-० न्युक्यासल
एसी मिलान १-३ डर्टमुण्ड
डर्टमुण्ड १-१ पिएसजी

अन्तिम १६: (समग्रमा ३-१ ले विजयी)
पिएसभी आइन्ढोभन १-१ डर्टमुण्ड
डर्टमुण्ड २-० पिएसभी आइन्ढोभन

क्वाटरफाइनल: (समग्रमा ५-४ ले विजयी)
एट्लेटिको म्याड्रिड २-१ डर्टमुण्ड
डर्टमुण्ड ४-२ एट्लेटिको म्याड्रिड

सेमीफाइनल: (समग्रमा २-० ले विजयी)
डर्टमुण्ड १-० पिएसजी
पिएसजी ०-१ डर्टमुण्ड

रियलको फाइनल यात्रा:

समूह चरण:
रियल म्याड्रिड १-० युनियन बर्लिन
नापोली २-३ रियल म्याड्रिड
ब्रागा १-२ रियल म्याड्रिड
रियल म्याड्रिड ३-० ब्रागा
रियल म्याड्रिड ४-२ नापोली
युनियन बर्लिन २-३ रियल म्याड्रिड

अन्तिम १६: (समग्रमा २-१ को जित)
लाइपजिग ०-१ रियल म्याड्रिड
रियल म्याड्रिड १-१ लाइपजिग

क्वाटरफाइनल: (समग्रमा ४-४, टाईब्रेकरमा ४-३ को जित)
रियल म्याड्रिड ३-३ म्यानचेस्टर सिटी
म्यानचेस्टर सिटी १-१ रियल म्याड्रिड

सेमीफाइनल: (समग्रमा ४-३ को जित)
बायर्न म्युनिख २-२ रियल म्याड्रिड
रियल म्याड्रिड २-१ बायर्न म्युनिख