default_image

3 weeks ago

June 3, 2024

एमबाप्पे अन्ततः रियल म्याड्रिडमा

2760 views

0 Bookmark

एजेन्सी – फ्रेन्च स्टार फरवार्ड किलियन एमबाप्पे स्पेनिस क्लब रियल म्याड्रिडमा अनुबन्ध भएका छन् । रियलले सामाजिक संजाल मार्फत उनको अनुबन्ध सार्वजनिक गरेको यो । एमबाप्पेसँग रियलले आउँदो जुलाई देखि २०२९ सम्मको सम्झौता गरेको छ ।

पिएसजीले फेब्रुअरीमा विज्ञप्ति जारी गर्दै एमबाप्पेले यो सिजनपछि क्लब छोड्ने घोषणा गरेको थियो । फ्रेन्च सञ्चार माध्यमका अनुसार त्यसअघि एमबाप्पेले आफ्नो क्लब र सहकर्मीहरुलाई यो सिजनपछि क्लब संग सम्झाैता नवीकरण नगर्ने जानकारी दिएका थिए ।

एमबाप्पेलाई रियलले उनी अर्को फ्रेन्च क्लब मोनाकोमा हुँदादेखि क्लबमा भित्र्याउन चाहेको थियो । उनी सन् २०१८ मा मोनाकोबाट १ सय ८० मिलियन यूरो ट्रान्सफर फि सहित पिएसजीमा अनुबन्ध भएका थिए । त्यसबेला उनी मात्र १८ वर्षका थिए ।

त्यसपछि रियलले लगभग हरेक वर्ष एमबाप्पे भित्र्याउन चाहेको स्पेनी सञ्चार माध्यमले सार्वजनिक गर्ने गरेका थिए । २०२२ मा पिएसजी सँगको सम्झौता सकिएको बेला उनी रियल जाने सम्भावना धेरै भएको आँकलन गरिएको थियो । तर उनी पिएसजीको प्रस्ताव स्वीकार्दै फ्रान्समै बसेका थिए ।

तर यसपटक उनको रियल जाने विषयले गति लिएको थियो । स्पेनी सञ्चार माध्यमका अनुसार रियलले २०२२ मा गरेको प्रस्तावभन्दा अहिलेको प्रस्ताव आर्थिक रूपमा धेरै कम छ । त्यसका बाबजुद उनले रियलको प्रस्ताव स्वीकारेका छन् ।

उनी २४ वर्षमै पिएसजीको इतिहासमा सर्वाधिक गोलकर्ता समेत हुन् । युरोपेली च्याम्पियन्स लिगमा उनले २४ वर्षको उमेरमा नै ४४ गोल गरिसकेका छन् ।

एमबाप्पेले फ्रान्सेली राष्ट्रिय टोलीका लागि ७७ खेलमा ४६ गोल गरेका छन् र सर्वाधिक गोलकर्ताको सूचीमा ओलिभियर जिरुड (५६) र थियरी हेनरी (५१) भन्दा मात्र पछि छन् ।

२०१८ मा फ्रान्सले विश्वकप उचाल्दा उनले महत्वपूर्ण भूमिका खेलेका थिए । २०२२ को विश्वकपमा फाइनलमा पराजित भएपनि फाइनलमा ह्याट्रिक सहित ८ गोल गर्दै एमबाप्पेले गोल्डेन बुट जितेका थिए ।

June 23, 2024

चितवन जिल्ला लिग यसै साता सुरु हुने

सुशिल पन्त क्षेत्री, चितवनसेन्ट्रल कलेज चितवन जिल्ला ए डिभिजन लिग फुटबल यसै साता सुरु हुने भएको छ। आयोजक चितवन जिल्ला फुटबल संघले असार १४ गते सुरु हुने लिगमा  सहभागी १३ टोलीलाई‌ दुई समूह विभाजन गरेको  छ । सेन्ट्रल टावरमा आज (आइतबार) एक कार्यक्रमकाबीच भएको  विभाजनको समूह ए मा साविक विजेता हनामी भरतपुर फुटबल क्लब (बिएफसी) […]

June 22, 2024

पोर्चुगल युरोको अन्तिम १६ मा

एजेन्सी – लगातार दोस्रो जित दर्ता गर्दै पोर्चुगल युरो कप २०२४ को अन्तिम १६ मा प्रवेश गरेको छ । दोस्रो जित दर्ता गर्ने क्रममा पोर्चुगलले टर्कीलाई ३-० ले सहजै पराजित गरेको हो । पोर्चुगलका लागि बर्नार्डो सिल्भा र ब्रुनो फर्नान्डेजले १-१ गोल गरे भने १ गोल आत्मघाती गोल रहेको थियो । २१औं मिनेटमा बर्नार्डो सिल्भाले […]

June 22, 2024

जर्जिया र चेकियाको बराबरी 

काठमाडौँ (हाम्रोखेलकुद) – यूरो कप २०२४ अन्तर्गत शनिवार सम्पन्न पहिलो खेलमा जर्जिया र चेकियाले बराबरी खेलेका छन् । जर्मनीको ह्यामबर्गमा भएको खेल १-१ को बराबरीमा सकिएको हो । पहिलो हाफको अन्त्यतिर जर्जियाले खेलमा पेनाल्टीमार्फत अग्रता लिएको थियो । रोबिन ह्रनाचले बक्स भित्र ह्याण्डबल गरेपछि पाएको पेनाल्टीमा जर्जेस मिकाउताड्जेले कुनै गल्ती गरेनन् ।   खेलको ५९औ मिनेटमा […]

Success

Thank you for your time.