default_image

1 week ago

June 11, 2024

यमनविरुद्ध नेपाली टोलीमा एक परिवर्तन

122 views

0 Bookmark

काठमाडौं (हाम्रो खेलकुद) – फिफा विश्वकप २०२६ अन्तर्गतको छनोटको दोस्रो चरणको अन्तिम खेलमा नेपालले आज यमन विरुद्ध एक परिवर्तन गरेको छ । नेपाली समय अनुसार ११:४५ बजे साउदी अरबको दम्माम शहर स्थित प्रिन्स मोहमद विन फहद स्टेडियममा सुरु हुने खेलमा नेपालका प्रशिक्षक भिन्सेन्जो अल्बर्टो अनेसेले युएई विरुद्ध हार बेहोरेको टोलीबाट सुरुवाती ११ मा एक परिवर्तन गरेका हुन् ।

पछिल्लो खेलमा राष्ट्रिय टोलीका लागि डेब्यु गरेका मिडफिल्डर बसन्त जिम्बाको स्थानमा डिफेन्डर सनिश श्रेष्ठ टोलीमा आएका छन् ।

नेपालका लागि गोलकिपर तथा कप्तान किरण चेम्जोङले निरन्तरता पाएको छन् भने उनको अगाडि डिफेन्स लाइनमा सनिश सहित अनन्त तामाङ, रोहित चन्द, विशाल बस्नेत र सौभाग्य राई रहेका छन् ।

मिडफिल्डमा भरत खवासको साथ साथ लाकेन लिम्बूले दिनेछन् भने अग्रपंक्तिमा मनिष डाँगी, जिलेस्पी र सञ्जीव विष्ट रहेका छ्न ।

अन्तिम दुई खेल खेल्ने टोलीमा पछिल्लो समय फुटबल टोलीबाट बाहिर रहेका युवा फरवार्ड आयुष घलान भने सुरुवाती ११ मा रहेका छैनन् ।

खेल नेपाली समय अनुसार बेलुका ९:४५ बजे साउदी अरबको दम्माम शहर स्थित प्रिन्स मोहमद विन फहद स्टेडियममा सुरु हुनेछ

सोही रंगशालामा पाँच दिन अघि भएको पाँचौं खेलमा नेपाल युएई विरुद्ध ४-० ले नै पराजित भएको थियो । नेपालको ५ खेलमा गोलसंख्या शून्य रहेको छ । नेपालले कुनै पनि गोल गर्दा ५ खेलमा १८ गोल खान पुगेको छ ।

समूह ‘एच’ मा रहेको नेपालले त्यसअघि पाँचै खेलमा पराजय भोगेको थियो । नेपाल युएईसँग पहिलो खेलमा ४-० र यमनसँग २-० ले पराजित भएको थियो । त्यस्तै नेपालले बहराइसँगको पहिलो खेल ५-० र दोस्रो खेल ३-० ले गुमाएको थियो ।

नेपालले आजको खेलमा अंकको खाता खोल्न चाहन्छ । यस्तै गोलको लागि संघर्षरत नेपाली टोलीले गोलको खाता समेत खोल्न चाहेको प्रशिक्षक अनेसेले साउदी भ्रमणमा जानु अघि बताएका थिए । पछिल्लो खेलमा दुई पटक क्रसबारमा प्रहार गरेको नेपाली टोलीले आज भने गोलको खडेरी तोड्ने लक्ष्य साथ मैदानमा उत्रिने छ ।

June 21, 2024

अर्जेन्टिनाको विजयी सुरुवात

एजेन्सी – साविक विजेता अर्जेन्टिनाले २०२४ संस्करणको कोपा अमेरिकामा विजयी सुरुवात गरेको छ । एटलान्टामा भएको उद्दघाटन खेलमा अर्जेन्टिनाले क्यानडा माथि २-० को जित दर्ता गरेको हो । अर्जेन्टिनाका लागि स्ट्राइकरद्वय जुलियन अल्भारेज र लौतारो मार्टिनेजले समान १-१ गोल गरे । पहिलो हाफमा खेलमा नियन्त्रण काम भएतापनि दोस्रो हाफमा अर्जेन्टिनाले सुधारिएको प्रदर्शन गरेको थियो । […]

June 21, 2024

इटालीलाई हराउँदै स्पेन अन्तिम १६ मा

एजेन्सी – इटाली माथि जित हात पार्दै स्पेन यूरो कप २०२४ को अन्तिम १६ मा प्रवेश गरेको छ । बिहीबार राति सम्पन्न खेलमा स्पेनले इटाली माथि १-० को जित निकालेको हो । स्पेनको एकमात्र गोल दोस्रो हाफको सुरुवातमा आत्मघाती गोल रूपमा आएको थियो । खेलको ५५औं मिनेटमा निको विलियम्सको क्रसमा इटालियन डिफेन्डर रिकार्डो कालाफियोरीलाई लागेर […]

June 21, 2024

इङ्ल्यान्डले डेनमार्कसँग अंक बाँड्यो

एजेन्सी – युरो कप २०२४ को आफ्नो दोस्रो खेलमा उपाधि दाबेदार इङ्ल्यान्डले डेनमार्क विरुद्ध अंक बाँडेको छ । फ्रांकफर्ट एरिनामा भएको खेलमा इङ्ल्यान्डले डेनमार्क विरुद्ध १-१ को बराबरी खेल्दै अंक बाँडेको हो । पहिलो खेलमा सर्बिया विरुद्ध १-० को झिनो अन्तरको जित हासिल गरेको इङ्ल्यान्डले डेनमार्क विरुद्ध लिएको अग्रता बचाउन सकेन । १८औं मिनेटमा कप्तान […]

Success

Thank you for your time.