default_image

1 month ago

June 19, 2024

जर्जियाको युरो डेब्युमा टर्कीविरुद्ध हार

1530 views

0 Bookmark

एजेन्सी – पहिलो पटक युरो कपमा सहभागिता जनाइरहेको जर्जिया आफ्नो पहिलो खेलमा टर्की विरुद्ध पराजित भएको छ । समूह एफ अन्तर्गतको पहिलो खेलमा टर्कीले जर्जियालाई ३-१ ले पराजित गरेको हो ।

२५औं मिनेटमा मर्ट मल्डरको उत्कृष्ट भली प्रहारमा टर्कीले खेलमा अग्रता लिएको थियो । बक्स भित्रबाट क्लियर भएर आएको बलमा उत्कृष्ट भली प्रहार गर्दै उनले अग्रता दिलाएका थिए ।

तर जर्जियालाई बराबरी गर्न धेरै समय लागेन । ३२औं मिनेटमा जर्जेस मिकाउताड्जेले जर्जियाका लागि बराबरी गरे । टर्कीले पुनः अग्रता लिन दोस्रो हाफ कुर्नु पर्यो ।

६५औं मिनेटमा टर्की पुनः अग्रतामा गएको गोल उत्कृष्ट नै रहेको थियो । आर्दा गुलेरले बक्स भन्दा निकै टाढाबाट पाएको स्पेसमा सुन्दर प्रहार गर्दै टर्कीलाई पुनः अग्रतामा पुर्याएका थिए ।

टर्कीले इन्ज्युरी समयको अन्तिमतिर गोल गर्दै जित सुनिश्चित गर्यो । जर्जियाका सबै खेलाडी बराबरी गोल गर्ने तरखरमा लागेको मौका पारी काउन्टर अट्याकमा केरेम आक्तुरकोग्लुले टर्कीका लागि तेस्रो गोल गरे ।

समूह एफ अन्तर्गत पोर्चुगल र चेक रिपब्लिक राती १२:४५ बजे भिड्दै छन् ।

July 22, 2024

मछिन्द्र र सातदोबाटोको बराबरी, संकटा र चर्च ब्वाइजले पनि अंक बाँडे

काठमाडौं (हाम्रो खेलकुद) – ललित स्मृति यु-१८ लिग अन्तर्गत सोमबार भएका दुवै खेल बराबरीमा सकिएका छन् । दुवै खेल १-१ को बराबरीमा सकिएको हुन् । एन्फा कम्प्लेक्स सातदोबाटोमा भएको दिनको पहिलो खेलमा मछिन्द्र एफसी र सातदोबाटो युथ क्लबले बराबरी खेले । ६३औं मिनेटमा रोनिक राना मगरको गोलमा लिएको अग्रता पश्चात ७९औं मिनेटमा आदेश लामाले गोल […]

July 21, 2024

चितवन जिल्ला लिगमा एनएफसी र एभरेष्ट विजयी

सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार नारायणी फुटबल क्लब ( एनएफसी) र एभरेष्ट क्लब चितवन विजयी भएका छन्। शारदा नगरको मैदानमा भएको पहिलो खेलमा नारायणीले हर्दी युवा समाजलाई २-१ ले हरायो । नारायणीका‌ सुगम तामाङ र सुरज गुरुङले गोल गरे । हर्दीका सन्तोष थिङले एक गोल गरे । खेलमा […]

July 21, 2024

रेन्जर्सविरुद्ध म्यानचेस्टर युनाइटेड विजयी

एजेन्सी – युरोपियन फुटबल सिजन सुरु हुनुअघिको प्रिसिजनको आफ्नो दोस्रो खेलमा म्यानचेस्टर युनाइटेड विजयी भएको छ । ग्लास्गोमा भएको खेलमा युनाइटेडले स्कटिस टोली रेन्जर्स माथि २-० को जित दर्ता गरेको हो । युनाइटेडका लागि अमाद डियालो र जो हुगिलले गोल गरेका हुन् । ३९औं मिनेटमा बक्सको दायाँभागबाट उत्कृष्ट फिनिस सहित डियालोले सुरुवाती गोल गरेका थिए […]

Success

Thank you for your time.