एजेन्सी – साविक विजेता अर्जेन्टिनाले कोपा अमेरिका २०२४ को दोस्रो खेलमा चिली विरुद्ध खेल्दैछ । खेल नेपाली समय अनुसार बुधबार बिहान ६:४५ बजे न्यू जर्सीमा सुरु हुनेछ ।

अर्जेन्टिनाले पहिलो खेलमा क्यानडा विरुद्ध २-० को जित हात पारेको थियो । पहिलो खेलमा अर्जेन्टिना खेलमा हावि भएपनि सोचेअनुरूप प्रदर्शन भने रहेको थिएन ।

अर्जेन्टिनाले थुप्रै अवसरहरू खेर फालेको थियो । स्टार खेलाडी लियोनेल मेस्सीले पनि दुई उत्कृष्ट अवसरको सदुपयोग गर्न सकेका थिएनन् । ३७ वर्षीय मेस्सीले खेलमा गोल गर्न नसकेपनि लौतारो मार्टीनेजको दोस्रो गोलमा असिस्ट गरेका थिए । पहिलो गोलमा पनि उत्कृष्ट पास गर्दै गोलको अवसर सिर्जना गरेका थिए ।

अर्जेन्टिनाले एन्जल डी मारियालाई दोस्रो खेलमा विश्राम दिने चर्चा रहेको छ । उनको ठाउँ मिडफिल्डर जियोभानी लोसेल्सो वा निको गोन्जालेजले लिने सक्ने अर्जेन्टिनी सञ्चार माध्यमले अनुमान गरेका छन् ।

अर्जेन्टिनाको चिली विरुद्ध हालको केही संस्करणमा प्रदर्सशन सम्झनलायक भने छैन । सन् २०१५ र २०१६ को संस्करणमा अर्जेन्टिना चिलीसँग फाइनलमा पराजित भएको थियो । २०१९ को संस्करणमा तेस्रो स्थानका लागि भएको खेलमा अर्जेन्टिना विजयी भएतापनि सो खेलमा मेस्सीले रातो कार्ड पाउँदै मैदान छाडेका थिए । २०२१ मा पनि अर्जेन्टिना चिलीसँग १-१ को बराबरीमा रोकिएको थियो ।

यसपटक चिली पहिलो खेलमा पेरूसँग बराबरीमा रोकिएको थियो । पेरूले क्यानडा विरुद्ध बुधबार बिहान ३:४५ बजे खेल्दैछ ।