एजेन्सी – अर्जेन्टिनाका कप्तान तथा स्टार फरवार्ड लियोनेल मेस्सी अन्तराष्ट्रिय फुटबलमा सर्वाधिक गोलकर्ताको सूचीमा दोस्रो स्थानमा उक्लिएका छन् । क्यानडा विरुद्ध बुधवार बिहान भएको कोपा अमेरिकाको सेमिफाइनलमा गोल गर्दै उनी सो तालिकाको दोस्रो स्थानमा उक्लिएका हुन् ।

सो गोल मेस्सीको १०९औं अन्तराष्ट्रिय गोल रहेको थियो । सो गोल गर्दै मेस्सीले इरानका अली डेईले राखेको १०८ गोलको कीर्तिमान भन्दा एक गोल अघि सरेका छन् ।

मेस्सी सो खेल अघि सक्रिय खेलाडीहरु मध्य दोस्रो स्थानमा रहेका थिए । अब मेस्सी भन्दा अघि १३० गोल सहित क्रिस्टियानो रोनाल्डो शीर्ष स्थानमा रहेका छन् ।

मेस्सीको क्यानडा विरुद्धको गोल उनको कोपा अमेरिकामा १४औं गोल समेत रहेको थियो ।

अन्तराष्ट्रिय फुटबलमा सर्वाधिक गोल गर्ने शीर्ष १०:

१. क्रिस्टियानो रोनाल्डो (पोर्चुगल) : १३०
२. लियोनेल मेस्सी (अर्जेन्टिना) : १०९
३. अली डेई (ईरान) : १०८
४. सुनिल क्षेत्री (भारत) : ९४
५. मोख्तर दाहारी (मलेसिया) : ८९
६. अली माखबुट (युएई) : ८५
६. रोमलु लुकाकु (बेल्जियम) : ८५
७. फेरेंक पुस्कास (हंगेरी) : ८४
८. रोबर्ट लेवान्डोस्की (पोल्याण्ड) : ८३
९. गोडफ्रे चितालु (जाम्बिया) : ७९
९. नेयमार (ब्राजिल) : ७९
१०. हुसेन साइद (ईराक) : ७८