सिन्धुपाल्चोक(हाम्रोखेलकुद) – युवा संघ नेपाल सिन्धुपाल्चोकद्वारा आयोजित सिन्धु युवा कप -२, लामोसाघु बसन्तपुर खेल मैदानमा जारी खेलहरुमा आज भएको पहिलो खेलमा गोरखबहादुर गण र नबप्रतिभा युवा क्लब जित हासिल गर्दै क्वाटर फाईनलमा प्रवेश गरेका छन्।

आज भएको पहिलो खेलमा गोरखबहादुर गण चौतारा बिजयी भएको छ । उक्त खेलमा राईजिङ युवा क्लब स्वाँरालाई २ – ० गोल अन्तरले पराजित गर्दै क्वाटर फाइनलको यात्रा तय गरेक छ । सुरुवाती ५ औं मिनेटमा नै गोल गर्दै गणका राजेश मेचेले टिमलाई अग्रता दिलाए । त्यस्तै दोश्रो हाफको ४७ औं मिनेटमा अमृत खवासले थप १ गोल थपे पछि जित आफ्नो पक्षमा पारेको थियो ।

आजै भएको दोस्रो खेलमा नवप्रतिभा युवा क्लब बलेफीले नमुना युवा क्लब लामोसाँघुलाई ९-१ गोल अन्तर ले पराजित गरेको हो । नबप्रतिभा युवा क्लबका दिनेश कोन्जनले खेलको पहिलो मिनेटमा नै गोल गर्दै अग्रता दिलाए । दिनेशले खेल अबधीभर ४ गोल गर्न सफल भए । १,१०,३४,३५ र ६१ औं मिनेटमा गोल गर्दै आफ्नो टिमलाई जित दिलाए । नबयुवा क्लबबाट एक मात्र गोल ३५ औँ मिनेटमा  साहिल बिस्टले गरे, ९-१ गोल अन्तरको जितसंगै नबप्रतिभा युवा क्लब क्वाटर फाईनलमा प्रबेस गरेको र नमुना युवा क्लब प्रतियोगिताबाट बाहिरिएको  छ ।

भोलि हुने क्वाटर फाईनलका २ खेल न्यु खाडिचौर युवा क्लब विरूद्ध सुनकोसी युवा क्लब र युनाईटेड ठुलोपाखर बिरुद्ध न्यु जेनेरेशन युवा क्लब राम्चे बिच हुने छ ।