लन्डन (एजेन्सी) – म्यानचेस्टर युनाइटेडले प्रिमियर लिगमा आइतबार अपराजित खेल संख्याको यात्रालाई १५ पुर्याउँदा टोलीका स्ट्राइकर ज्लाटान इब्राहिमोभिकले नयाँ कीर्तिमान बनाएका थिए । साविक विजेता लेस्टरलाई युनाइटेडले ३–० ले हराउँदा दोस्रो गोल इब्राहिमोभिकले गरेका थिए । जारी सिजनमा टोलीका लागि उनको त्यो १५ औं गोल थियो ।
३५ बर्ष १ सय २५ दिनको उमेरमा गोल गरेका इब्रा प्रिमियर लिगको एकै सिजनमा १५ गोल गर्ने सबै भन्दा पाका उमेरका खेलाडी बनेका थिए । यसअघि प्रिमियर लिगमा ३५ बर्ष नाघेर १५ गोल गर्नेमा युनाइटेड टोटेनह्याम र वेस्ट ह्यामका पूर्व स्ट्राइकर टेडी सेरिङ्गहम र चेल्सी का पूर्व मिडफिल्डर फ्रान्क लाम्पर्ड हुन् ।
लाम्पर्डले सन् २०१२/१३ मा चेल्सी बाट १५ गोल पुरा गर्दा उनको उमेर ३४ बर्ष ३ सय ३५ दिन थियो । २०००/०१ मा युनाइेडबाट खेल्दै १५ गोल पुरा गर्दा सेरिङ्गहम ३५ बर्ष १९ दिन पुगेका थिए । त्यो सिजन युनाइटेडले प्रिमियर लिगको उपाधि जितेको थियो ।
