काठमाडौं, असोज १०
एपिएफका कप्तान गणेश लावती उत्साहित भएर आइतबार काठमाडौं फर्कदैछन् । उनी उत्साहित हुनुको कारण उनको जीवनको एउटा महत्वपूर्ण हिस्सा ओगटेको फुटबल हो । लामो समयपछि लिगमा ह्याट्कि गरेपछि उनको उत्साह बढ्नु स्वभाविक हो ।
व्यक्तिगत रुपमा उनको उत्साहमात्र बढेको होइन उनको ह्याट्किले टोलीले शनिबार बुद्ध एयर मोरङलाई हराएपछि ४-१ ले हराएपछि पुरा टोली उत्साहित बनेको छ । ह्याट्कि गर्दा एउटा खेलाडी खुसी हुनु स्वभाविक हो । तर, हामीलाई जितको अन्त्यन्त आवश्यक भैसकेको थियो । टोलीको मनोबल बढाउन पनि जित आवश्यक थियो । त्यो जितका लागि एउटा हिस्सा हुन पाउँदा खुसी लागेको छ । काठमाडौं फर्कने तयारीमा रहेका लावतीले टोलीको उपाधि जित्ने सम्भावना अझै बाँकी रहेको उल्लेख गर्दै भने, सम्भवना छ तर त्यत्तिकै कठिन पनि । कम्तिमा तेस्रो स्थानमा रहेर लिग टुंगाउन सके त्यो पनि नराम्रो होइन । कोशिस च्याम्पियन बन्ने हो ।
लावतीले चार बर्षपछि लिगमा ह्याटिक गर्न सकेकोमा पनि सन्तुष्टि व्यक्त गरे । उनले २०६८ मा तीनवटा खेलमा ह्याट्कि गरेयता शनिबार पहिलो पटक ह्याटिक गरेका हुन् । त्यो सँगै लिगमा उनको लिगमा गोल संख्या ६० पुगेको छ । १३ बर्षदेखि एपिएफमा रहेका उनी भन्छन् , व्यक्तिगत सफलता आफ्नो ठाँउमा छ । एपिएफलाई एक पटक लिग च्याम्प्यिन बनाउने सपना छ । राष्ट्यि टोलीका पूर्व स्टाइकर समेत रहेका ३५ बर्षे उनी अहिले टोलीको पहिलो रोजाइका नियमति खेलाडी होइनन् । तर पनि उनलाई टोलीको सफलता मुख्य लाग्छ । म खेल्नु नखेल्नु ठूलो कुरा होइन,टोली जित्छ की जित्दैन त्यो महत्वपूर्ण हो , उनले भने ।
भूकम्पले लिग स्थगित भएपछि भदौ २८ बाट पुनः सुरु भएको थियो । त्यसपछिका दुवै खेल एपिएफले गुमाएपछि दवावमा परेको थियो । त्यसपछि उपत्यकामा रुस्लान थ्री स्टर र त्रिभुवन आर्मीसँग पराजित भएको एपिएफ मोरड पुगेको थियो । जहाँ जितका साथ टोली काठमाडौं फर्कदा प्रशिक्षक कृष्ण थापा पनि उत्साहित छन् । मोरडसँगको नतिजा बिग्रेको भए त हामी च्याम्प्यिन मात्र होइन, तेस्रोको दौडबाट पनि बाहिरिने थियौं ।
