काठमाडौं(हाम्रो खेलकुद) – विभागीय टोली त्रिभुवन आर्मी फुटबल क्लबले एन्फा महिला लिगमा सुखद सुरुवात गरेको छ ।

सातोबाटोस्थित एन्फा कम्प्लेक्समा बुधवार भएको लिगको पाँचौं खेलमा आर्मीले संकटा क्लबलाई ४-० ले पराजित गर्यो ।

आर्मीलाई जित दिलाउन विमला चौधरीले २, सावित्री देवी मगरर अनिता लम्जेल समान १ गोल गरे।
१९औं मिनेटमा सावित्रीको गोलबाट आर्मीले अग्रता लियो ।

विमलाले ६१औं मिनेट र ७१औं गोल गरेपछि आर्मी बलियो अवस्थामा पुग्यो। उनको दोस्रो गोल कर्नरबाट सोझै गोलमा परिणत भएको हो। ७६औं मिनेटमा अनिता गोल गर्दै आर्मीको गोलअन्तरलाई बढाइन् ।

अखिल नेपाल फुटबल संघ (एन्फा) को आयोजना सुरु भएको लिगमा १० टोलीको सहभागिता रहेको छ। पहिलो चरणमा सबै टोलीले एकअर्काको सामना गर्नेछ । लिगको पहिलो चरणको खेल सकिएको छ ।

पहिलो खेलमा कोशी प्रदेशले वालिङ नगरपालिकालाई १-० ले पराजित गर्दा दोस्रो खेलमा सुदरपश्चिम प्रदेशमाथि बागमती युथ क्लबले ५-१ को जित हात पारेको थियो ।

तेस्रो खेलमा कर्णाली प्रदेश र चन्द्रपुर नगरपालीकाले १-१ गोलको बराबरी खेल्दा चौथो खेलमा पुलिस र एपिएफले गोलरहित बराबरी खेलेका थिए ।

बिहीवारबाट लिगको दोस्रो चरणको खेल सुरु हुदैछ । बिहीवार हुने पहिलो खेलमा बागमती र कोशी पतथा दोस्रो वालिङ र कर्णाली बीच दोस्रो खेल हुनेछ ।