चन्द्रपुरको पहिलो जितमा सुदूरपश्चिमको लगातार चौथौ हार

काठमाडौं (हाम्रो खेलकुद)- एन्फा महिला लिगमा चन्द्रपुर नगरपालिकाले पहिलो जित हासिल गरेको छ।

सातदोबाटोस्थित एन्फा खेल मैदानमा शुक्रवार भएको खेलमा चन्द्रपुर नगरपालिकाले सुदूरपश्चिम प्रदेशलाई ४-० ले पराजित गर्यो। चौथो खेलमा चन्द्रपुरको यो पहिलो जित हो।

अंकको खाता खोल्न नसकेको सुदूरपश्चिम विरूद्ध चन्द्रपुरले तेस्रो मिनेटमा नै अग्रता बनायो। अनिता राना मगरले गोल‌ गर्दै सुरूवाती अग्रता दिलाइन् । खेलको १५औं मिनेटमा रजनी थोकरले अग्रता दुगुना गरिन्।

पहिलो हाफमा चन्द्रपुरले २-० को अग्रता बनायो। निरिह सुदूर दोस्रो हाफमा खेलमा फर्कन सकेन भने ६३औं मिनेटमा एलिना चौधरीले आत्मघाती गोल उपहारमा चन्द्रपुर ३-० को अग्रता बनाउन सफल‌ रहयो।

यसपछि ८९औं‌ मिनेटमा सजनी थोकरले होल गर्दा चन्द्रपुर सुदरलाई ४-० को सहज नतिजामा हराउन सफल रहयो।

४ खेल खेलेको चन्द्रपुरले‌ पहिलो जितबाट ३ अंक जोडेको छ। उसको ५ अंक पुगेको छ। चन्द्रपुर यसअघि कर्णाली र संकटासँग बराबरीमा रोकिंदा एपिएफसँग हारेको थियो।

सुदूरको भने यो लगातार चौथौ हार हो। सुदूरपश्चिमले बागमती युवा क्लब, पुलिस क्लब र त्रिभुवन आर्मीसँग हार बेहोरेको थियो।

चन्द्रपुरको पहिलो जितमा सुदूरपश्चिमको लगातार चौथौ हार

Latest News

Popular News

फुटबल

न्युक्यासल र चेल्सीको बराबरी

एपिएफलाई हराउँदै इस्ट बंगाल च्याम्पियन

पहिलो हाफमा एपिएफविरुद्ध इस्ट बंगालको अग्रता

चर्चित खेलहरु:

उपयोगी लिङ्कहरू

सम्पर्क

सामाजिक संजाल