8 months ago
September 17, 2024
काठमाडौं (हाम्रो खेलकुद) – विभागीय नेपाल एपिएफ क्लबले संकटा क्लबमाथि जित निकाल्दै शीर्ष स्थानमा थप मजबुत बनेको छ । छैटौं खेलमा पाँचौ जित निकाल्नेक्रममा एपिएफले मंगलवार संकटामाथि ३–० को जित निकालेको छ ।
एन्फा कम्प्लेक्स सातदोबाटोमा भएको खेलमा एपिएफलाई जित दिलाउन सरु लिम्बु, अनिता केसी र सविता राना मगरले समान १ गोल गरिन् ।
एपिएफले १३औं मिनेटमा सरुको गोलबाट अग्रता लिएको थियो । एपिएफका लागि अनिताले ५०औ मिनेटमा अग्रता दोब्बर बनाइन् । सविताले ६४औं मिनेटमा एपिएफका लागि गोल गर्दै जितलाई सहज बनाइन् ।
जित पछि एपिएफ ६ खेलमा १६ अंकका साथ शीर्ष स्थानमा छ । एपिएफ भन्दा १ खेल कम खेलेको पुलिस ११ अंकका साथ दोस्रो स्थानमा छ । पराजित संकटा ६ खेलमा ५ अंकमा रहेको छ ।
आजै हुने दोस्रो खेलमा कोशी प्रदेश र अर्को विभागीय टोली त्रिभुवन आर्मी फुटबलल क्लबबीच हुनेछ । एन्फा कम्प्लेक्समा हुने खेल दिउँंसो ३ः३० बजे सुरु हुनेछ । समान ५ खेलबाट १० अंक जोडेको आर्मी तेस्रो र कोशी चौथो स्थानमा छ ।
अखिल नेपाल फुटबल संघ (एन्फा) को आयोजनामा जारी लिगमा १० टोलीको सहभागिता छ । पहिलो चरणमा सबै टोलीले एकअर्काको सामना गर्नेछ ।
May 23, 2025
एजेन्सी – रियल म्याड्रिडका कप्तान लुका मोड्रिचले सिजनको अन्त्यसँग क्लब छाड्ने निश्चित गरेका छन् ।फिफा क्लब विश्वकपपछि स्पेनिस जायन्ट क्लबबाट उनले बिदा लिनेछन्। सन् २०१८ का बालेन डि’ ओर विजेता ३९ वर्षीय क्रोएसियन मिडफिल्डरले रियलको घरेलु मैदान सान्टियागो बर्नाबेउमा शनिवार रियल सोसिडाडविरुद्धको सिजनको अन्तिम ला लिगा खेल खेल्दै क्लबबाट अन्तिमपटक मैदानमा उत्रनेछन्। ‘त्यो क्षण आइपुगेको […]
May 22, 2025
एजेन्सी- इण्डियन प्रिमियर लिग (आइपिएल) मा लखनउ सुपर जाइन्ट्स शीर्षस्थानमा रहेको गुजरात टाइटन्सलाई जितको लागि २ सय ३६ रनको चुनौती दिएको छ। अहमदाबाद स्थित नरेन्द्र मोदी स्टेडियममा टस जितेर गुजरातले फिल्डिङ रोज्यो। लखनउले २० ओभरमा २ विकेट गुमाउँदै २ सय ३५ रन बनायो। लखनउले सुरूवात राम्रो गर्यो। एडन मारक्रम र मिचेल मार्षले पहिलो विकेटलागि ९१ […]
May 22, 2025
काठमाडौं (हाम्रो खेलकुद)- सहिद स्मारक बी डिभिजन लिगमा ब्वाइज युनियन क्लबले जारी सिजनको अन्त्य जित बाट गरेको छ। सन्दीप लिम्बुको ह्याट्रिकलाई छाँयामा पार्दै ब्वाइज युनियनले बाँसबारी क्लबलाई ४-३ गोल अन्तरले हरायो। एन्फा कम्प्लेक्समा ब्वाइज युनियनको जितमा सञ्जिव लिम्बु, सुजन स्याङतान, सुशन लामा र सुजन श्रेष्ठले समान१ गोल गरे। बाँसबारीको लागि सन्दीपले खेलको २२ औं, ६६ […]
