2 weeks ago
September 28, 2024
सुमन अधिकारी,बुटवल
रुपन्देहीमा जारी ३६ औ झरना रनिङशिल्ड फुटबल प्रतियोगिता अविरल वर्षाका कारण प्रभावित भएको छ ।
लगातार भएको बर्षाले प्रतियोगिता भैरहेको कुन्जलापुरस्थित फुटबल मैदानमा पानी जमेकोले २ दिनका खेल सञ्चालन हुन सकेका छैन ।
‘लगातारको झरिका कारण मैदान पानीले भरिएको छ खेल खेलाउन सकिएको छैन’ आयोजक क्लबका अध्यक्ष धनेन्द्र पौडेलले भने ।
शुक्रबार रोकिएको गोर्खा ब्वाइज एफसी र योङ स्टार युथ क्लबका बिचको खेल शनिबार दिउँसो खेलाउने तयारी थियो । शनिवारका लागि फुलबारी गाइज र जनज्योती फुटबल क्लबको खेल तय थियो। तर वर्षा नरोकिएपछि दुवै खेल त्यो सम्भव भएन ।
क्वाटरफाइनलका दुई वटा खेल रोकिदा खेल तालिका परिवर्तन गर्नुपर्ने अवस्था देखिएको प्रतियोगिता संयोजक विजय पुनले बताए ।
खेल तालिका अनुसार असोज १४ र १५ गतेको सेमिफाइलन र १७ गते फाइनल खेल हुनुपर्ने छ। १६ टोलीको सहभागितामा प्रतियोगिता असोज २ गतेबाट सुरु भएको थियो ।
प्रतियोगिताको उपाधि विजेताले ३ लाख ३१ हजार र दोस्रो टोलीले १ लाख ८१ हजार रुपैयाँ प्राप्त गर्नेछ।
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]
October 7, 2024
काठमाडौं (हाम्रो खेलकुद) – फुटबल मिसन टुगेदरको आयोजनामा दोस्रो भेट्रान्स कप फुटबल प्रतियोगिता हुने भएको छ । ४० वर्ष माथिका फुटबलरहरुको सहभागिता रहने प्रतियोगिता कात्तिक ३ गतेदेखि ११ गतेसम्म मध्यपुर फुटबल मैदानमा हुनेछ । अखिल नेपाल फुटबल संघ(एन्फा)को प्राविधिक सहयोग रहने प्रतियोगितामा २१ टोलीको सहभागिता रहने सोमवार आयोजित पत्रकार सम्मेलनमा जानकारी दिइयो। प्रतियोगिताको आयोजनाका लागि […]
