काठमाडौं, असोज १० गते ।
आज झापाको सुरुङा खेल मैदानमा भएको राष्ट्रिय लीगको खेलमा कर्ण लिम्बुको दुई गोलको मदतले झापा ११ ले नेपाल पुलिस क्लबलाई २-० ले हराएको छ।
यस अगिको खेल मा पनि आर्मी बिरुद्ध दुबै गोल गरेका कर्ण लिम्बुले खेलको ४१औं मिनेटमा गोल गर्दै झापालाई अग्रता दिलाएका थिए। यसअघि खेलमा झापाले प्राप्त गरेको पेनाल्टिलाई रितेश थापाले बचाएका थिए। पेनाल्टिमा चुकेका कर्णले ८२औं मिनेटमा दोश्रो गोल गर्दै टोलीको जित सुनिश्चित गरे ।
जितसंगै झापा २४ अंक लिएर अंक तालिकाको शीर्ष स्थानमा पुगेको छ। १३ खेल खेलिसकेको झापाले अब बाँकि तिनै खेल काठमाडौंमा खेल्नेछ।
