भेट्रान्स कप फुटबल अर्को महिना

काठमाडौं (हाम्रो खेलकुद) – फुटबल मिसन टुगेदरको‌ आयोजनामा दोस्रो भेट्रान्स कप फुटबल प्रतियोगिता हुने भएको छ ।

४० वर्ष माथिका फुटबलरहरुको सहभागिता रहने प्रतियोगिता कात्तिक ३ गतेदेखि ११ गतेसम्म मध्यपुर फुटबल मैदानमा हुनेछ ।

अखिल नेपाल फुटबल संघ(एन्फा)को प्राविधिक सहयोग रहने प्रतियोगितामा २१ टोलीको सहभागिता रहने सोमवार आयोजित पत्रकार सम्मेलनमा जानकारी दिइयो।

प्रतियोगिताको आयोजनाका लागि ३१ लाख नगदको अनुमान गरिएको छ । प्रतियोगिताको मुख्य प्रायोजकका रुपमा रहेको नागार्जुन नगरपालीकाले १५ लाख रुपैयाँ उपलब्ध गराउने बताइएको छ ।

काठमाडौं उपत्यकाका टोली दर्ता गर्न २० हजार रुपैयाँ र उपत्यका बाहिरका टोली दर्ताका लागि ५ हजार रुपैयाँ तोकिएको आयोजकले जनाएको छ ।

प्रतियोगिताको विजेताले ८ लाख र दोस्रो हुने टोलीले ५ लाख रुपैयाँ प्राप्त गर्नेछन् । व्यक्तिगत विधाको‌ उत्कृष्ट खेलाडीलाई पुरस्कृत गरिने बताइएको छ।

नकआउटका आधारमा हुने प्रतियोगिताको उद्घाटन खेल वीरगन्ज युथ एकेडेमी र श्रीकुमारी क्लबबीच हुनेछ।