म्यान्चेस्टर (एजेन्सी) – वाटफोर्डलाई शनिबार २–० ले हराउँदै म्यान्चेस्टर युनाइटेडले प्रिमियर लिगमा आफ्नो अपराजित यात्रालाई १६ खेलमा पुर्याएको छ । घरेलु समर्थकसामु जित्दा युनाइटेड्ले दुई हालमा १/१ गोल गरेको थियो ।
युनाइटेडका लागी ३२ औं मिनेटमा हुवा माटाले गोल गर्दै घरेलु टोली लाई अग्रता दिलाएका थिए । ६० औं मिनेटमा एन्थोनी मार्सियलको गोलमा युनाइटेडले गोलअन्तरलाई दोब्बर पारेको थियो ।
प्रिमियर लिगमा १३ औं जित हासिल गरेको युनाइटेड ४८ अंक बटुल्दै अंक तालिकाको छैटौं स्थानमा रहेको छ । प्रिमियर लिगका अन्य खेलहरुमा स्टोक सिटी ले जो एलेनको गोलमा क्रिस्टल प्यालेसलाई १–० ले हराएको छ ।
सन्डरल्यान्ड बिरुद्धको ४–० गोलको जितमा मनोलो गब्बिडिनिले साउथह्याम्टनका लागी २ गोल गरे । एभर्टन र मिडल्सब्रोले गोल रहित बराबरी खेले । अन्तिम समयमा वेस्ट ह्यामले आफ्नो अग्रता गुमाउदा वेस्ट ब्रोमबिरुद्ध २–२ गोलको बराबरी खेल्दै अंक बाडेका छन् ।
