लिभरपुल (एजेन्सी)– साडियो मानेले पहिलो हाफमै दुई गोल गरेपछि लिभरपुलले प्रिमियर लिगमा शनिबार टोटेनह्यामलाई २–० ले हराएको छ । अघिल्ला पाँच खेलमा जित निकाल्न नसकेको लिभरपुलले बर्षको पहिलो जित दर्ता गरेको हो ।

अफ्रिकन कप अफ नेसनका कारण क्लबका लागि जनवरीका धेरै खेल गुमाएका विङगर मानेले १६ औं मिनेटमा पहिलो गोल गरेका थिए । जर्जिनियो विज्नाल्डुमको थ्रो बलमा उनले गोल गरेका थिए । त्यसको १ सय ३८ सेकेन्डपछि नै मानेले दोस्रो गोल गरेका थिए ।
चौथो स्थानमा रहेको लिभरपुलको ४९ अंक पुगेको छ । दोस्रो स्थानको टोटेनह्याम र तेस्रो स्थानको आर्सनलको समान ५० अंक छ । एक खेल कम खेलेको शीर्षस्थानको चेल्सीको ५९ अंक छ ।