एजेन्सी – च्याम्यिनस लिगमा इंग्लिस क्लब आर्सनल र फ्रान्सेली टोली पेरिस सेन्ट जर्मेन (पिएसजी ) पराजित भएका छन् ।

आर्सनल बुधवार इटालियन क्लब इन्टर मिलानसँग खेल १-० ले गुमाएको हो । योसँगै जारी सिजनको च्याम्पियन्स लिगमा आर्सनलको अपराजित यात्रा टुंगिएको छ ।

सान सिरोमा पहिलो हाफको इन्ज्युरी समयको तेस्रो मिनेटमा हाकान काल्हानोग्लुको पेनाल्टी गोलमा इन्टरले जित निकालेको हो।

एट्लेटिको मड्रिडले पिएसजीलाई उत्कृष्ट पुनरागमनका साथ २-१ ले पराजित गर्यो। एन्जल कोरेयाले इन्ज्युरी समयको तेस्रो मिनेटमा गोल गरेपछि एट्लेटिको विजयी भयो।

१४ औं मिनेटमा वारेन इम्रीको गोलबाट खेलमा अग्रता भने पिएसजीले लियो। तर त्यसको ४ मिनेटपछि नै नाहुल मोलिनाले एट्लेटिकोका लागि बराबरी गोल फर्काए।

इन्टर ४ खेलमा १० अंकसहित च्याम्पियन्स लिग अंकतालिकाको पाँचौं स्थानमा उक्लिएको छ । समान खेलमा ७ अंकसहित आर्सनल १२ औं स्थानमा छ । ६ अंक जोडेको एट्लेटिको २३औं र पिएसजी ४ अंकसहित २५ औं स्थानमा छ।

अन्य खेलमा बार्सिलोना, बायर्न म्युनिख, एस्टन भिल्ला, साख्तर डोनेस्क, एट्लेटिको मड्रिड,एट्लान्टा, आरबी साल्सबर्ग, ब्रेस्ट विजयी भएका छन्।

बार्सिलोनाले क्रेभेनालाई ५-२ ले, बार्यनले बेन्फिका १-० र क्लब ब्रुगले एस्टन भिल्लालाई समान १-० ले पराजित गर्यो ।

साख्तर डोनेस्कले योङ बोइजलाई ३-१, एट्लान्टाले भिएफबी स्टुटगार्डलाई २-० ,आरबीले फेयर्नोडलाई ३-१ ले, ब्रेस्टले स्पार्टा प्राहालाई २-१ ले हरायो।

लिभरपुल १२ अंकसहित तालिकाको शीर्ष स्थानमा छ।