काठमाडौं, असोज ११
अखिल नेपाल फुटबल संघ (एन्फा) ले पदाधिकारीलाई कारवाहीसँगै नयाँ मनोनयन समेत गरेको छ । एन्फाका प्रथम उपाध्यक्ष एवंम् कार्यवहाक अध्यक्ष समेत रहेका ललितकृष्ण श्रेष्ठको निधनपछि रिक्त रहेको पदमा पनि सोमबारको केन्द्रिय समितिले मनोनयन गरेको छ । श्रेष्ठको ठाँउमा एन्फाले नरेन्द्र श्रेष्ठलाई मनोनित गरेको छ । श्रेष्ठले यसअघि एन्फाको उपाध्यक्ष र महासचिवको जिम्मेवारी सम्हालिसकेका छन् ।
एन्फाले एकै दिन ८ जनालाई मनोनित गर्यो
निर्वाचित तीन उपाध्यक्ष कर्माछिरिड् शेर्पा, विजयनारायण मानन्धर र किशोर राई र सदस्य पंकज नेम्बाड्लाई बर्खास्त गर्दै तीन ठाँउमा पनि एन्फाले मनोनित गरेको छ ।
मणि कुवर, वीरबहादुर खड्का र सन्तोष बानियाँलाई उपाध्यक्ष र थ्री स्टारका कार्यवहाक अध्यक्षलाई अरुणमान जोशीलाई सदस्यमा मनोनित गरेको छ । कुवर र खड्का एन्फाका सहायक महासचिव र बानियाँ पूर्वाञ्चल क्षेत्रिय संघका अध्यक्षको जिम्मेवारी निर्वाह गरिरहेका थिए । उपाध्यक्षमा मनोनित भएपछि उनीको ठाँउमा समेत एन्फाले सोमबार नै मनोनित गरेको छ ।
महाविर क्लबका अध्यक्ष दिवाकर घले र विकास निर्देशक सञ्जिव मिश्रलाई सहायक महासचिवमा र झापा फुटबल संघका अध्यक्ष जल कुमार गुरुङलाई पर्वाञ्चलको अध्यक्षमा मनोनित गरेको छ । सहायक महासचिव पदमा महावीर क्लबका अध्यक्ष दिवाकर घले र एन्फाका विकास निर्देशक सन्जिव मिश्र तथा पूर्वाञ्चलका क्षेत्रीय अध्यक्षमा झापा जिल्ला फूटबल संघका अध्यक्ष जल कुमार
गुरुङलाई मनोनयन गर्ने निर्णय गरियो ।
बर्खास्त गरेका चार मध्ये तीन जना शर्पा, मानन्धर, नेम्बाङलाई पुनरावेदन अदालत पाटनमा एन्फाविरुद्ध मुद्दा दर्ता गरेको भन्दै स्पष्टिकरण समेत मागेको छ ।
त्यस्तै एन्फाले मानार्थ उपाध्यक्ष सुनिल शम्शेर राणाको संयोजकत्वमा सदस्य रमेश रायमाझी उपसंयोजक तथा दिवाकर घले, मधु सुदन उपाध्याय र विमला पौडेल रहेको राष्ट्रिय टिम व्यवस्थापन समिति गठन गरेको छ । एन्फा एकेडेमीलाई व्यवस्थित गर्न संघका सह कोषाध्यक्ष रविन्द्र जोशीको संयोजकत्वमा सदस्य दिनेश व्यन्जनकार, सदस्य राजेन्द्र न्यौपानेको ३ तीन सदस्यीय एन्फा एकेडेमी व्यवस्थापन समिति गठन गरेको छ ।
