गाइघाट(हाम्रो खेलकुद)– रमपम चौथो उदयपुर गोल्डकप फुटबल प्रतियोगिताको उपाधिका लागि बिहिबार मोसफलका दुई टोलीबीच प्रतिस्पर्धा हुँदैछ । २ लाख रुपैयाँसहितको उपाधिका लागि रुपन्देही ११ र मोरङ फुटबल क्लबबीच दिउँसो थाहरुहट उदयपुर रंगशालामा प्रतिस्पर्धा हुनेछ ।
फाइनल फोटो
सेमिफाइनलमा बलिया प्रतिद्वन्द्विलाई पन्छाउँदै रुपन्देही र मोरङले एकअर्कासँगको भेट पक्का गरेका थिए । रुपन्देहीले ए डिभिजन लिग टोली हिमालयन शेर्पालाई ३–२ ले निराश पारेको थियो । त्यस्तै मोरङले अर्को ए डिभिजन टोली एवंम् रुस्लान आठौं सिमरा गोल्डकप च्याम्पियन सिएमजी क्लब संकटालाई २–१ ले स्तब्ध पारेको थियो । त्यसअघि मोरङले एपिएफ र रुपन्हेदीले झापालाई निराश पार्दै सेमिफाइनलको यात्रा तय गरेका थिए ।
