लन्डन (एजेन्सी)– ज्लाटान इब्राहिमोभिकको ह्याट्रिकमा म्यानचेस्टर युनाइटेडले युरोपा लिगअन्तर्गत अन्तिम ३२ को पहिलो लेगमा सेन्ट इटिनीलाई ३–० ले पराजित गरेको छ ।
१५ औं मिनेटमा पहिलो गोल गरेका इब्राहिमोभिकले दोस्रो गोल ७५ औं मिनेटमा गरे । उनले खेल सकिन २ मिनेट अघि पेनाल्टीमा अर्को गोल गर्दै ह्याट्रिक पुरा गरेका थिए ।
अर्को इङ्लिस टोली टोटेनह्याम भने जेन्टसँग १–० ले पराजित भएको छ । रोमाले भिल्ला रियलमाथि ४–० को एकतर्फी जित निकाल्यो । त्यस्तै लियोनले एजी अल्मारलाई ४–१ ले निराश पारेको छ । स्पेनिस टोली एथलेटिक बिलबाओले एपोइल निकोसियालाई ३–२ ले हराएको छ । साख्तार डोनेक्सले सेल्टा भियोमाथि १–० को जित दर्ता गर्यो ।
