चितगोङ (हाम्रो खेलकुद) – लक्ष्मी हुन्डाई मनाङ मस्र्याङ्दी क्लब बंगलादेशमा जारी शेख कमल अन्तर्रा्ष्ट्रिय क्लब कप–२०१७ को समूह चरणको दोस्रो खेलको मध्यान्तरसम्म १–० ले पछाडी परेको छ । मनाङविरुद्ध अफगानिस्तानी क्लब शाहिन आस्मयीले ३८ औं मिनेटमा गोल गरेको थियो ।
अमिरुद्धिन सरिफीले उत्कृष्ट गोल गर्दे शहिनलाई अग्रता दिलाएका थिए । लगत्तै मनाङले बराबरीको मौका पाएपनि सफल हुन सकेन । कप्तान अनिल गुरुङ हेड प्रहार क्रसबारमा लागेर फर्केको थियो । त्यसअघि ३४ औं मिनेटमा गोलकिपर दीनेश थापामगरले खतरनाक आक्रमणलाई जोगाएका थिए । ३६ औं मिनेटमा सिकोले विपक्षी आक्रमणलाई निस्तेज पारेका थिए ।
मनाङले पहिलो खेलमा मोहमडन स्पोर्टिङ क्लबलाई २–० ले पराजित गर्दा ओलावाले ओलाडिपो अफिज र विशाल राईले गोल गरेका थिए । शाहिन आस्मयी भने पहिलो खेलमा आयोजक चितगोङ अवहनी लिमिटेडसँग ३–१ को हार बेहोरेको थियो ।
