एजेन्सी – पेप ग्वार्डिओलाको टोली म्यानचेस्टर सिटीले च्याम्पियन्स लिग प्लेअफको पहिलो लेगमा रियल मड्रिडसँग घरेलु मैदानमा खेल्दैछ।

रियल र सिटी दुवैले च्याम्पियन्स लिगको नयाँ लिग-चरण प्रारुपमा शीर्ष आठ भित्र स्थान बनाउन नसक्दा स्वतः अन्तिम १६ मा पुग्न असफल रहे।

रियल ११औं स्थानमा रह्यो भने सिटी २२औं स्थानमा रहेपछि दुई लेगको प्लेअफ खेल्नुपर्ने भएको हो।

दुई लेगमा जित दर्ज गर्ने टोली अन्तिम १६ मा पुग्नेछ। जहाँ एट्लेटिको मड्रिड वा बायर लेभरकुसेनमध्ये एकसँग प्रतिस्पर्धा गर्नुपर्नेछ।

इंग्लिस प्रिमियर लिगमा पनि सिटीले निराशाजनक प्रदर्शन गरिरहेको छ। लिग तालिकामा पाँचौं स्थानमा रहेको सिटी शीर्षस्थानको लिभरपुलभन्दा १५ अंकले पछि परेको छ।

खेल अगाडि सिटीका डिफेन्डर रुबेन डियस भन्छन्, ‘म्यानचेस्टर सिटीले अझै उपलब्धि हासिल गरेर सबैभन्दा कठिन सिजनलाई जोगाउन सक्छ।’

पछिल्लो छ सिजनमा पाँचौं पटक सिटीले च्याम्पियन्स लिगको नकआउट चरणमा रियलको सामना गर्दैछ।
गत सिजनको क्वाटरफाइनलमा यी दुई टोली भिड्दा पेनाल्टी सुटआउटमा रियल विजयी बनेको थियो।

त्यसपछि कार्लो एन्सेलोट्टीको टोलीले आफ्नो १५औं च्याम्पियन्स लिग उपाधि जितेको थियो। सिटीले शनिवार एफए कपमा लिग वन क्लब लेटन ओरियन्टविरुद्ध २-१ को कठिन जित निकालेको थियो। जुन आर्सनल विरुद्ध ५-१ को प्रिमियर लिग पराजयपछि संभव भएको थियो।

रियलको पछिल्लो प्रदर्शन पनि मिश्रित छ। टोलीले कोपा डेल रे क्वाटर-फाइनलमा लेगानेसलाई स्टपेज-टाइममा गोल गर्दै ३-२ ले हरायो।

यसपछि शनिबार एट्लेटिको म्याड्रिडसँग १-१ को बराबरी खेल्यो। ला लिगाको शीर्ष स्थानमा रहे पनि रियलले पछिल्ला दुई लिग खेलमा एक अंक मात्र जोडेको छ।

ग्वार्डिओलाले ओरियन्ट विरुद्ध धेरै खेलाडीहरूलाई विश्राम दिए। जसले गर्दा उनीहरूसँग लगभग पूर्ण टोली उपलब्ध हुने सम्भावना रहेको छ।

रुबेन डियास र जोन स्टोन्सले एफए कप खेलमा आधा समय खेले। जबकी एडरसन र नाथन आके अनुपस्थित थिए। यी सबै खेलाडीहरू रियलविरुद्ध फिट हुन सम्भावना छ।

यता रियलमा चोटको समस्या बढिरहेको छ। पछिल्लो समय लुकास भास्क्वेज पनि घाइते भएका छन्।
भास्क्वेजले यो सिजन डानी कार्भाहालको लामो अनुपस्थितिमा राइट-ब्याकमा खेलेका थिए।

स्पेनिस क्लब रियलसँग सेन्टर-ब्याकहरू एन्टोनियो रुडिगर, डेविड आलाबा र एडर मिलिटाओ पनि उपलब्ध हुने छैनन्।

रियलका प्रशिक्षक एन्सेलोट्टी भन्छन्,’ यदि सिटीलाई पराजित गरेर च्याम्पियन्स लिगको फाइनल पुग्ने हो भने साहस र हिम्मत जरुरी छ।’ यो खेललाई उनले मानसिकता कुरा हो पनि भनेका छन्। उनले सिटी निकै बलियो र खतरानाक रहने जिकिर पनि गरे।

हामी जहाँ छौं आफु यस विषयमा जानकार रहेको र आफ्नो टोली विशेष रहेको भन्दै यसलाई प्रमाणित गर्ने ग्वार्डिओलाले बताएका छन्।‌ खेल इतिहाद रंगशालामा आज राति १:४५ बजे हुनेछ। आज अन्य ४ खेल पनि हुनेछ।