पिएसजीको सहज जित

एजेन्सी – फ्रान्सेली क्लब पेरिस सेन्ट जेर्मन(पिएसजी), जर्मन क्लब बुरुसिया डर्टमुन्ड र इटालियन क्लब युभेन्टसले च्याम्पियन्स लिगको प्लेअफको पहिलो लेग खेलमा बुधवार जित हात पारेका छन् ।

पिएसजीले अर्को फ्रान्सेली क्लब ब्रेस्टलाई ३-० ले पराजित गर्यो । ब्रेस्टको घरेलु मैदानमा भएको खेलमा पिएसजीको जितमा ओस्मान डेम्बेलेले २ र भिटिन्हाले १ गोल गरे ।

भिटिन्हाले २१औं मिनेटमा पेनाल्टीमार्फत गोल गर्दै टोलीलाई जिताएका थिए । डेम्बेलेले खेलको ४५औं र ६६औं मिनेटमा गोल गरेका थिए । दोस्रो लेगको पिएसजीको घरेलु मैदानमा फेब्रुअरी २० मा‌ हुनेछ।

युभेन्टसले डच क्लब पिएसभीलाई पराजित गरेको छ । घरेलु मैदानमा भएको खेलमा युभेन्टस २-१ ले विजयी भयो । दुई टोली बीचको दोस्रो लेगको खेल फेब्रुअरी २० मा हुनेछ।

अर्को खेलमा जर्मन क्लब बोरुसिया डर्टमुन्डले पोर्चुगलको क्लब स्पोर्टिङ सिपीलाई पराजित गरेको छ । स्पोर्टिङको घरेलु मैदानमा भएको खेलमा डर्टमुन्ड ३-० ले विजयी भएको हो । दुईबीचको दोस्रो लेगको १९ फेब्रअरीमा डर्टमुन्टको मैदानमा हुनेछ ।

अर्को खेलमा रियल म्याड्रिडले म्यानचेस्टर सिटीलाई ३-२ ले हराएको छ। दुई‌पटक‌ खेलमा पछि परेर पनि रियलले खेल उल्टाएको थियो।