पोखरा (हाम्रो खेलकुद)- पोखरा रंगशालामा आज अर्को कीर्तिमान बन्नेछ। जारी २४ औं आहा! रारा पोखरा गोल्डकप फुटबल प्रतियोगितामा आज पहिलो सेमिफाइनल हुँदैछ।

आहा राराको इतिहासमा त्यो २ सय ५० औं खेल हो। संयोग आहाको सर्वाधिक सफल टोलीमध्येको एक नेपाल पुलिस क्लबले चर्च ब्वाइज युनाइटेडको सामना गर्दैछ। पुलिस र चर्च ब्वाइज अघिल्ला दुई खेल जत्दै सेमिफाइनल पुगेको हो ।

पुलिसले यो सिजन पोखरामा‌ मात्र सफलताको स्वाद चाखेको हो । आयोजक सहारालाई १-० ले हराएको पुलिसले क्वाटरफाइनलमा ब्रिगेड ब्वाइज एफसीलाई २-० ले पराजित गरेको थियो।

यो सिजन ५ वटा नकआउट फाइनल खेलेर २ उपाधि जितेको चर्च ब्वाइजले पहिलो खेलमा एनआरटीलाई सडन डेथमा हराएको थियो।

क्वाटरफाइनलमा साविक विजेता त्रिभुवन आर्मी फुटबल क्लबलाई १-० ले निराश पार्दै चर्च ब्वाइजले पुलिससँगको भेट पक्का गरेको हो ।

हरेक खेलबाट केहि न केहि नयाँ तथ्य जोडिनेछ। आहा राराको २४ औं संस्करणसम्म आइपुग्दा घरेलु फुटबलमा थुप्रै तथ्याङ्क बनिसकेको छ।

२०५८ सालमा क्याराभान गोल्डकपको नामबाट सुरु भएको प्रतियोगिता दोस्रो संस्करण आहा त्यसको केहि पछि आहा रारा र पछिल्लो संस्करणबाट आहा रारा पोखरा गोल्डकपका नामले स्थापित छ।

सुरुवातबाट हरेक वर्ष आयोजना हुने घरेलु फुटबलको यो एक मात्र नकआउट फुटबल प्रतियोगिता हो।
क्याराभानको उद्घाटन खेल सहारा ह्वाइट र नक्साल क्लबबिच भएको थियो।

२०६२ मा भएको पाँचौं सस्करणमा मनाङ मस्र्याङ्दी क्लब र पुलिसको खेल आहा राराको ५० औं खेल थियो । २०६७ मा भएको दसौं संस्करणमा प्रतियोगिताको एक सयौं खेल पूरा थियो । त्यो खेल आयोजक सहारा र धरानबिच भएको थियो ।

२०७१ मा भएको १४ औं संस्करणमा प्रतियोगिताको १ सय ५० औं खेल खेल पूरा भएको थियो । जसमा थ्री स्टार र झापा भिडेका थिए । २ सयौं खेलमा मनाङ र झापाबिच २०७६ सालको १९ औं भएको थियो ।

आहा राराको २ सय ५० औँ खेलमा पुलिस र चर्च ब्वाइज भिड्दै छन् । आहा राराका लागि यो अर्को कोसेढुंगा हुनेछ।