पोखरा (हाम्रो खेलकुद)- नेपाल पुलिस क्लब कीर्तिमानी ११ औं पटक आहा! रारा गोल्डकप फुटबल प्रतियोगिताको फाइनलमा पुगेको पुगेको छ।

सहिद स्मारक ए डिभिजन लिग विजेता चर्च ब्वाइज युनाइटेडलाई बुधवार १-० ले पराजित गर्दै पुलिस २४ औं संस्करणको उपाधि नजिक पुगेको हो ।

पुलिस ५ वर्षपछि फाइनल पुगेको छ। पछिल्लो पटक पुलिस २०७६ मा फाइनल खेलको थियो।
पोखरा रंगशालामा बुधबार भएको पहिलो सेमिफाइनलमा चर्च ब्वाईजलाई १-० गोल अन्तरले हराउँदै पुलिस क्लव उपाधि नजिक पुगेको हो।

सन्जिव लामाले गरेको दर्शनीय गोल पुलिसलाई जारी प्रतियोगिता तेस्रो जित निकाल्न पर्याप्त रह्यो। ५८ औं मिनेटमा पेनाल्टी बक्सको बाहिरबाट सन्जिवको प्रहारलाई चर्च ब्वाइजका गोलकिपर टिकेन्द्र थापाले ठम्याउन सकेनन् ।

आहा राराको २ सय ५० औं खेललाई सन्जिवले यादगार बनाएका छन्। ६९ औं मिनेटमा चर्च ब्वाईजका नविन लामाको प्रहार पुलिसका डिफेन्डरले क्लियर गरेको बललाई कप्तान सर्जि डिकाको शसक्त प्रहार गोलकिपत शत्रुधन चौधरीले उत्कृष्ट बचाउ गर्दै सम्भावित बराबरी लाई टारेका थिए ।

पुलिस आहा राराको सर्वाधिक उपाधि जित्ने टोली मध्ये एक हो । पुलिस र मनाङ मस्र्याङ्दी क्लबले समान ६ पटक पोखरा उपाधि जितेको छ। पुलिस पछि मनाङ सर्वाधिक १० पटक फाइनल खेल्ने टोली हो।

पुलिसले थ्री स्टार क्लब र उज्वेकिस्तानको ब्ल्याक बुल्स एफसीबिचको विजेतसँग शनिवार फाइनल खेल्नेछ।