10 months ago
February 17, 2025
काठमाडौं (हाम्रो खेलकुद)- फोर नेसन्स इन्टरनेसनल उमन्स फुटबल च्याम्पियनसिपमा दाबेदार म्यानमारले विजयी सुरुवात गरेको छ।
दशरथ रंगशालामा सोमवार म्यानमारले लेबनानलाई ३-१ गोल अन्तरले हरायो। म्यानमारको जितमा विन थेंगी तुन, श्वे यी तुन र सान थाअ थाअले समान १ गोल गरे। लेबबानको लागि लायला इस्कन्दरले सान्त्वना गोल गरिन्।
म्यानमारले आधा दर्जन भन्दा बढी मौका चुकाउँदस लेबनानकी गोल किपरले उत्कृष्ट बचावट गरिन्।खेलको १२ औं मिनेटमा म्यानमारले अग्रता लिने मौका गुमायो। खिन मो मो तुनले हानेको कडा प्रहार क्रसबारमा लागेर फर्कियो।
त्यसपछि २० औं मिनेटमा म्यानमारको प्रयासमा लेबनानकी गोलकिपर मर्सेली स्काइकीले सानदार बचावट गरिन्। नअ टेट टेट वाइको पहिलो प्रहार रोकिन्। रिबाउन्डमा यु पर खिनेको प्रहारलाई पनि बचाइन्।
त्यसपछि लिन मिन्ट मो को प्रहार साइड नेटबाट बाहिरियो। निरन्तर आक्रमण गरेको म्यानमारले २२औं मिनेटमा पनि गोल गर्न सकेन।
विन थेंगी तुनको प्रहार पोलमा लागेर फर्कियो। सो बललाई लिन मिन्ट मोले हानेको प्रहारलाई किपरले बचाइन्। लगतै खिन मो मो तुनको प्रहारलाई पनि किपर मर्सेली स्काइकीले रोकिन्।
आक्रमणमा कमजोर देखिएको लेबनानले ३४औं मिनेटमा भने सुनौलो मौका गुमायो। जावा अरबीको थ्रु पासमा लायला इस्कन्दरले दुई डिफेन्डर र गोल किपर म्यो म्या म्या नेएनले खाली पोष्टमा हानेको प्रहार पोलमा लागेर फर्कियो। पहिलो हाफ गोल रहित बराबरीमा सकियो।
खेलको ५७ औं मिनेटमा म्यानमारले अग्रता बनायो। कप्तान विन थेंगी तुनले बक्स बाहिरबाट हानेको उत्कृष्ट प्रहार गोलमा परिणत भयो। तर यो अग्रता ४ मिनेट भन्दा बढी टिक्न सकेन।
६१ औं मिनेटमा गोल किपर म्यो म्या म्या नेएन अगाडि बढ्दा लायला इस्कन्दरले खाली पोष्टमा सहजै गोल गरिन्। खेल १-१ गोलको बराबरीमा पुग्यो।
६८ औं मिनेटमा म्यानमारका फ्यु फ्यु विनले करिब २५ यार्ड टाढाबाट हानेको सशक्त प्रहार क्रसबारमा लागेर फर्कदा अग्रत लिने मौका गुमायो।
तर ७२ औं मिनेटमा यु पर खिनेको सटिक क्रसमा सब्स्टिच्युट खेलाडी श्वे यी तुनको हेडर सुन्दर गोलमा परिणत भयो। म्यानमारले २-१ को अग्रता बनायो।
७५ औं मिनेटमा ममयाट नोइले हानेको प्रहारलाई किपरले उत्कृष्ट बचावट गरिन्। रिबाउन्डमा साहरा सब्स्टिच्युट सान थाअ थाअले गोल गर्दै म्यानमारलाई ३-१ को जित दिलाइन्।
जितमा म्यानमारले ३ अंक बनाएको छ। आज हुने दोस्रो खेल घरेलु टोली नेपाल र किर्गिस्तानबीच हुनेछ। खेल साँझ ६ बजे सुरु हुनेछ।
December 20, 2025
एजेन्सी – चेल्सी र न्युक्यासल युनाइटेडबीच प्रिमियर लिगमा आजको खेल बराबरीमा टुंगिएको छ। सेन्ट जेम्स पार्कमा खेलको सुरुवाती २० मिनेटमै न्युक्यासलले निक भोल्टेमाडेको दुई गोलमा पहिलो हाफमा २-० को अग्रता बनायो। चौथो र २० औ मिनेटमा भोल्टेमाडेको दुवै गोलमा एन्थोनी गोर्डनको भूमिका महत्वपूर्ण रह्यो। तर त्यसपछि चेल्सीले खेलमा पकड बनायो। रीस जेम्सले ४९ औं मिनेटमा […]
December 20, 2025
काठमाडौं (हाम्रो खेलकुद)- इस्ट बंगालले साफ महिला क्लब च्याम्पियनसिपको उपाधि जितेको छ। फाइनलमा एपिएफ क्लबलाई ३-० ले हराउँदै इस्ट बंगाल च्याम्पियन बनेको हो। त्रिपुरेश्वरस्थित दशरथ रंगशालामा इस्ट बंगाललाई जित दिलाउन कप्तान फजिला इक्वापुटले २ र शिल्कीदेवी हनाम १ गोल गरिन् । इस्ट बंगालले २२ औं मिनेटमा गोल अग्रता लिएको हो। गोलकिपर अन्जना राना मगर र गीता […]
December 20, 2025
काठमाडौं (हाम्रो खेलकुद)- साफ महिला क्लब च्याम्पियनसिपको फाइनलको पहिलो हाफमा एपिएफ क्लब विरुद्ध इस्ट बंगालले २-० कप अग्रता लिएको छ। इस्ट बंगालले २२ औं मिनेटमा गोल अग्रता लिएको हो। गोलकिपर अन्जना राना मगर र गीता रानाको समन्वय नमिल्दा इस्ट बंगालले गोलको अवसर सिर्जना गर्यो । कप्तान फजिला इक्वापुटले गोल गरेकी हुन्। पेनाल्टी बक्सबाट उनले अघि […]
