लेस्टर (एजेन्सी) – प्रिमियर लिगको साविक विजेता लेस्टर सिटीले लगातार खराब प्रदर्शनपछि प्रशिक्षक क्लाउडियो रानिरीलाई बर्खास्त गरेको छ ।
रानिरीको नेतृत्वमा गत सिजन अविश्वसनीय रुपमा इतिहास कायम गर्दै प्रिमियर लिगको उपाधि जितेको लेस्टर जारी सिजनमा भने रेलिगेसनमा पर्ने खतरा पर्ने सम्भावना देखिएको छ ।
सन् २०१५ मा लेस्टरमा आबद्ध भएका ६५ बर्षिय रानिरीलाई हटाएपछि नयाँ प्रशिक्षकको खोजीमा छ । अब लिगमा लिभरपुलसँग भिड्दा लेस्टरलाई क्रेग सेक्सपियरले कार्यवहाक प्रशिक्षकको भूमिका निर्वाह गर्नेछन् ।
प्रिमियर लिगको १७ औं स्थानमा रहेको लेस्टर अंकतालिकाको पुछारमा रहेको सन्डरल्यान्डको भन्दा २ अंक मात्र बढि छ । लेस्टर च्याम्पियन्स लिगको अन्तिम १६ मा प्रतिस्पर्धा गरिरहेको लेस्टरले सेभिल्लासँगको पहिलो लेग २–१ ले गुमाएको थियो ।
