एजेन्सी – इटालियन क्लब एसी मिलान डच टोली फाइनोर्डसँग बराबरीमा रोकिदा च्याम्पियन्स लिगको अन्तिम १६ मा पुग्न असफल भएको छ ।

प्लेअफको दोस्रो लेगमा मंगलवार १-१ को बराबरी हुँदा डच टोली समग्रमा २-१ को अग्रता हासिल गर्‍यो । पहिलो लेग फाइनोर्डले १-० ले जितेको थियो ।

मिलानको मैदानमा भएको खेलमा फाइनोर्डका लागि जुलियन करान्जाले गोल गरे । मिलानका सान्टियागो गिमेनेजले गोल गरे ।

पहिलो मिनेटमा नै गोल गर्दै गोमेनेजले मिलानलाई सुरुवाती अग्रता दिए। तर, ७३औं मिनेटमा करान्जाले गोल गर्दै डच क्लबलाई बराबरीमा पुर्याए ।

दुवै टोलीले १० खेलाडीमा खेलको अन्त्य गरे। मिलानका हर्नान्डेज ५१औं मिनेटमा रातो कार्ड खाँदै मैदानबाट बाहिरिए।

खेलको अन्तिम तिर फेयेनोर्डका गिभाइरो रिडलाई पनि रातो कार्ड दिइयो । फाइनोर्ड अन्तिम १६ मा इन्टर मिलान वा आर्सनलमध्ये कुनै एक टोलीसँग भिड्नेछ ।

बायर्न म्युनिख, क्लब ब्रुग र बेन्फिकाले पनि प्लेअफ जित्दै अन्तिम १६ मा स्थान पक्का गरे ।

स्कटल्याण्डको‌ सेल्टिकसँग प्ले अफको दोस्रो लेगमा १-१ को‌ बराबरी खेल्दै बायर्नले प्रि क्वाटरफाइनलको यात्रा तय गरेको हो।

इन्ज्युरी समयको चौथो मिनेटमा गोल गरेपछि बायर्न सेल्टिकसँग १-१ को‌ बराबरी गरेको हो। पहिलो लेगमा २-१ ले विजयी भएको बायर्न समग्रमा ३-२ को अग्रतासहित अघि बढेको हो।

अल्फान्सो डेभिसले इन्ज्युरी समयमा बराबरी गोल गर्दैै टोलीको अघिल्लो चरणको‌ यात्रा निश्चित गरे । त्यसअघि निकोलस कुनले ६३ औं मिनेटमा गोल गर्दै सेल्टिकलाई‌ अघि बढाए।

त्यस्तै  बेल्जियमको क्लब ब्रुग, पोर्चुगलको बेन्फिका  च्याम्पियन्स लिगको अन्तिम १६ मा पुगेका छन् ।
इटालीको एटलान्टालाई ३-१ ले हराएको क्लब ब्रुगले समग्रमा ५-२ को नतिजासहित अघि बढ्यो ।

फ्रान्सको एएस मोनाकोलाई ३-३ को बराबरीमा खेलेको बेन्फिका समग्रमा ४-३ को नतिजाका साथ अघि बढेको‌छ।