काठमाडौं (हाम्रो खेलकुद ) – केपी ओली कप फुटबल प्रतियोगिताका आज दुई खेल हुँदैछन् ।

सातदोबाटो स्थित एन्फा कम्प्लेक्समा पहिलो खेल एपिएफ एफसी र संकटा एफसी बिच हुनेछ।

ललितपुरको सातदोबाटोस्थित एन्फा कम्प्लेक्स मैदानमा हुने पहिलो खेलमा एपीएफ एफसी र संकटा एफसी भिड्ने छन् । खेल बिहान साढे ११ बजे सुरु हुनेछ ।

एपिएफ लगातार तेस्रो दिन खेल्दैछ। आइतवार केपी ओलीको उद्घाटन खेलमा उज्वेकिस्तानको ब्ल्याक बुल्स एफसीलाई टाइब्रेकरमा‌ पराजित गरेको थियो । हिजो भद्रपुर झापा गोल्डकपमा भुटानको‌ डागा युनाइटेडसँग ३-२ ले पराजित भयो । आज फेरि सातदोबाटोमा खेल्दैछ।

आजै दिउँसो ३ बजे सुरु हुने खेलमा मछिन्द्र एफसी र ट्रान्सपोर्ट युनाइटेड एफसी भुटानबीच प्रतिस्पर्धा हुनेछ। मच्छिन्द्र पनि लगातार दोस्रो दिन खेल्दैछ। हिजो बागमती गोल्डकपको फाइनल खेलेको मच्छिन्द्र चर्च ब्वाइजसँग १-० ले पराजित भएको थियो।

केपी ओली कपमा हिजो भएको दुई खेलमा आयोजक टोली र त्रिभुवन आर्मी फुटबल क्लब केपी विजयी हुँदै सेमिफाइनल पुगेका थिए। केपी ओली एफसीले एनआरटीलाई १-० र आर्मीले नेपाल पुलिस क्लबलाई २-० ले हराएको थियो।

राष्ट्रिय युवा संघ नेपालको आयोजनामा जारी प्रतियोगिताको विजेताले १५ लाख ११ हजार १ सय ११ र दोस्रो टोलीले ५ लाख रुपैयाँ पाउनेछन् ।