3 weeks ago
March 3, 2025
काठमाडौं (हाम्रो खेलकुद)- नेपाली राष्ट्रिय पुरुष फुटबल टोलीका अस्ट्रेलिया प्रशिक्षक म्याट रोसले आफ्नो मुख्य लक्ष्य नेपाललाई साफ च्याम्पियनसिपको च्याम्पियन बनाउनु रहेको बताएका छन् ।
अखिल नेपाल फुटबल संघ (एन्फा) ले आइतवार रोसलाई एक वर्षका लागि मुख्य प्रशिक्षक नियुक्त गरेको थियो।
दक्षिण एसियाली फुटबल महासंघ (साफ) को आयोजनामा हुने साफ च्याम्पियनसिप जुन १५ सुरु हुनेछ । नेपालले अहिले सम्म साफ च्याम्पियनसिपको उपाधि जितेको छैन।
‘अहिले सिंगापुरको मैत्रीपूर्ण खेलसँगै मलेसियासँगको एसियन कप छनोटको खेलमा केन्द्रीत छु,’ एन्फाले सोमवार आयोजना गरेको पत्रकार सम्मेलनमा उनले भने, ‘एसिया कपमा छनोट गराउने कोशिस गर्नेछु। त्यसमा सफल भएन भनेपनि नेपाललाई साफको विजेता बनाउन सक्छु भन्ने लागेको छ।’
आफू २० वर्षदेखि प्रशिक्षण रहेको उल्लेख गर्दै रिसले नेपालमा प्रतिभावान खेलाडी रहेको बताए । गत महिनादेखि नेपालमा रहेका उनले आफू उत्साहित रहेको खेलाडीहरुसँग भेटघाट सुरु गरिसकेको बताए ।
उनले विदेशमा रहेका नेपालीलाई पनि राष्ट्रिय टोलीको ढोका खुला रहेको प्रस्ट पारे ।
नेपाली टोलीले मार्च २५ मा एएफसी एसियन कप २०२७ को छनोटअन्तर्गत मलेसियासँग प्रतिस्पर्धा गर्नेछ। त्यसअघि मार्च २१ मा सिंगापुरसँग मैत्रीपूर्ण खेल खेल्नेछ।
एन्फाका प्रवक्ता सुरेश शाहले नेपालमा हुनुपर्ने एसियन कप छनोटको पहिलो लेग दशरथ रंगशालामा हुनुपर्ने भएपनि त्यो सम्भव नभएपछि नोभेम्बरमा हुने खेल नेपालमा गराउने मलेसियासँग सहमति भएको र त्यसमा एएफसीले स्वीकृति दिएको बताए ।
४७ वर्षीय रोस युइएफए प्रो लाइसेन्स प्राप्त प्रशिक्षक हुन्।यसअघि उनी सन् २०२० मा दक्षिण कोरियाको महिला राष्ट्रिय टोलीको सहायक प्रशिक्षक थिए।
उनी सहायक प्रशिक्षक रहँदा कोरियाको महिला टोलीले सन् २०२२ को एएफसी एसियन कपको फाइनल पुगेको थियो।
नेपाली टोलीको प्रशिक्षकका लागि ४ सय १६ जनाको आवेदन परेको र विभिन्न चरणको छनोट पछि रोसलाई नियुक्त गरेको प्रवक्ता शाहले बताए । यद्दपी उनको पारिश्रमिकको बारेमा भने उनले प्रस्ट पारेनन् ।
एएफसी एसियन कप २०२७ को छनोट चरणमा नेपाल समूह ‘एफ’ मा छ। नेपालसहित समूहमा भियतनाम, लाओस र मलेसिया छन्।
एसियन कप छनोटमा मार्चमा मलेसियासँग होम म्याच खेलेपछि नेपालले जुन १० मा लाओससँग , अक्टोबर ९ मा भियतनामसँग अवे म्याच खेल्नेछ । होम एन्ड अवेपछि समूह विजेताले सन् २०२७ मा साउदी अरेबियामा हुने एसियन कप खेल्नेछ।
March 26, 2025
एजेन्सी – नर्वेले फिफा विश्वकप २०२६ को युरोपियन छनोटमा लगातार दोस्रो जित दर्ता गरेको छ । नर्वेले बुधबार भएको खेलमा इजरायलविरुद्ध ४-२ को सहज जित निकाल्यो । हङ्गेरीको नाग्येर्देई रंगशालामा भएको खेलमा नर्वेलाई जित दिलाउन डेभिड मोलर उल्फ, अलेक्जेन्डर सोर्लोथ, क्रिस्टोफर अजर र एर्लिङ हालान्डले गोल गरे । इजरायलका लागि मोहम्मद अबु फानी र डोर […]
March 26, 2025
एजेन्सी – इरान फिफा विश्वकप २०२६ का लागि छनोट भएको छ । उज्वेकिस्तानसँग मंगलवार २–२ गोलको बराबरी खेल्दै इरानले विश्वकपमा स्थान पक्का गरेको हो ।घरेलु मैदानमा भएको खेलमा इरानका लागि मेहदी तारेमीले २ गोल गरे । उज्वेकिस्तानका लागि भने खोजिमत एर्किनोभ र एब्बोस्बेक फेजुलेभले गोल गरे । खेलमा सुरुवाती अग्रता उज्वेकिस्तानले बनाएको थियो । १६औं […]
March 26, 2025
एजेन्सी – अर्जेन्टिना फिफा विश्वकप २०२६ को लागि छनोट भएको छ। दक्षिण अमेरिकी छनोट अन्तर्गत उरुग्वे र बोलिभियाबीचको खेल गोलरहित बराबरीमा सकिएपछि ब्राजिलसँग खेल्नुअघि नै साविक विजेता अर्जेन्टिनाको विश्व कप यात्रा पक्का भएको हो । छनोट निश्चित भइसकेपछिको बुधवार बिहान भएको खेलमा अर्जेन्टिनाले ब्राजिललाई ४-१ ले हरायो । घरेलु मैदानमा अर्जेन्टिना एकतर्फी जित दिलाउन जुलियन […]
